Charter Document - 02340061

In nomine sancte et individue trinitatis Odo misericordia Dei rex Si petitionibus servorum Dei quas nobis pro suis utilitatibus insinuaverint benignum prebemus assensum regie precellentie opera imitamur et per hoc eterne beatitudinis gloriam nos adepturos non dubitamus Itaque notum sit omnibus sancte Dei ecclesie fidelibus et nostris presentibus atque futuris qualiter fideles nostri monachi Sancti Germani Autissiodorensis pro sua religione nobis valde accepti accedentes ad nostram sublimitatem Parisius ubi in Dei servitium et regni conveneramus defensionem inquisiti a nostra mansuetudine super suo statu et conversatione conquesti sunt nequaquam se digna frui quiete sed nec regularibus congrue inservire posse cultibus ob quorumdam rabidissimam infestationem et seculis inauditam in servos Dei debaccationem non modo ipsorum invadentes possessiones quin potius lupina rapacitate in ipsa cibi potusque crassantes direptione Proclamaverunt quoque sibi nihil juvaminis conferre immunitates et auctoritates a piissimis et serenissimis antecessoribus nostris eis collatas quoniam a jam dictis invasoribus et direptoribus inutiles ducerentur et vacue Quorum lacrymabilem reclamationem audientes non modico animus nostre sublimitatis est merore percussus timentes pro tantorum patrum attritione atque oppressione regni nostri aliquod pati dispendium justo judicio Dei qui est ultor suorum fidelium verentes etiam ne illos quos studium et misericordia serenissimorum antecessorum nostrorum ad nobile subvexit fastigium negligentia et incuria nostre mansuetudinis deducat ad nihilum Placuit itaque nostre serenitati denuo jam dicti monasterii monachis totius immunitatis concedere auctoritatem ipsamque congregationem et locum cum consilio optimatum et procerum nostrorum et etiam deprecatione Anscherici venerabilis episcopi reverendique eorumdem monachorum abbatis nobis valde dilectissimi cum omnibus suprafati loci rebus aut infra civitatem aut extra positis in nostro suspicimus mundeburgio et sub plenissima defensione ita ut sub nostra plenissima protectione liceat eis omni frui quiete Precipientes igitur jubemus et jubentes confirmamus ut nullus episcopus vel aliquis ex episcopalibus ministris nec judex publicus vel aliquis exactor judiciarie potestatis neque ullus ex nostris fidelibus areas eorum quas habere noscuntur in civitate Autisiodorensi ullo modo presumat invadere nec aliquam vim inferre sed neque in mansionibus ipsorum seu servientium illorum hospitalia contra voluntatem ipsorum exigere audeat et inquietudinem inferre nullatenus presumat Substantias quoque eorum tam indominicato quam que de ipsorum familia nequaquam attributare liceat sed sub hujus nostre preceptionis indulgentia quiete eis vivere ubique concedimus et absque ullius aliqua infestatione securos decernimus ut pro nostra vita et pace regnique nostri statu iidem liberius exorare valeant Ut autem precellentie nostre confirmatio in dies meliorem semper obtineat firmitatem in Dei nomine manu nostre humilitatis propria eam subter firmavimus et anuli nostri impressione subsignari fecimus Datum V idus julii indictione VI anno incarnationis Dominice DCCCLXXXIX anno II regnante domino Odone rege gloriosissimo Actum Parisius civitate in Dei nomine feliciter Amen