Charter Document - 02340060
| Charter Number: | 02340060 |
|---|---|
| Cartulary Title: | Cartulaire général de l'Yonne |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 0888 |
| Date type: | Assigned |
| Resource Link(s): |
|
Charter:
Cum in nomine domini et salvatoris nostri Jhesu Christi ego Theutbodus humilis Lingonensis episcopus cum fidelibus nostris causas et negotia ecclesie nostre diligenter tractarem et qualiter in melius ubicumque necessitas foret Deo auctore proficere potuissent inquirerem inter cetera reperimus ecclesiam Sancti Michaelis juxta Tornodorum satis edificiis venustatam et quod gaudendum est suffragante beato Michaele frequenter miraculis visitatam suis rebus qualiter ipsi monachi quod ibi Domino et sancto Michaeli famulari non possent et luminaria subministrare deberent prope penitus destitutam ubi vero et parentum nostrorum et quam plurimorum nobilium corpora ob venerationem simul et interventum beati Michaelis humata habeantur Quapropter ne locus funditus cadere et religio antiquitus competens ex toto adnichilari videatur pro amore omnipotentis Dei et sancti Michaelis obtentum ut et nostris reverendissimis antecessoribus jam de presentis seculi cursu vocatis et nobis ac nostris successoribus veniam et remissionem omnium peccantium ejus interventio suffragari dignetur cum consensu et consilio fidelium nostrorum ad luminaria jam dicte ecclesie concedimus ecclesiam Sancti Stephani in Espinolio et omnem ibi parrochiam adspicientem ea ratione ut sub potestate et dominatione seu et ordinatione perpetuis temporibus subjecta sit sepe memorate ecclesie et ad ejus luminaria perpetuo desserviat et sub ordinatione custodum in Domini nomine subsistat Ut autem presens auctoritas inconvulsam futuris temporibus obtinere valeat firmitatem manu propria eam firmavimus et fidelibus nostris seu et presentibus sacerdotibus illam corroborandam tradidimus Ego Teutbodus humilis episcopus hoc decretum consensi Otbertus prepositus Amatricus abba Ingelrannus subdiaconus Umbertus abba Ymdrodus abba Sichelmus diac Arnaldus presb Bernardus archiclavus Hermannus abba Madelgaudus levita Wlfardus subd Jondalus presb Gunselinus subd Wlbertus presb Arnaldus arch Mario presb Eyrleus subd Constancius archipr Helgaudus presb Teudericus presb Leutgarius presb