Charter Document - 02340044

Nicholaus episcopus servus servorum Dei religiose et Deo dicate que divino nutu divinaque providentia in monasterio fuerit constituta quod a vobis Gerardo scilicet clarissimo filio nostro illustrissimo comite et nobilissima filia Berta in nomine Domini Jesu Christi et veneratione beatissime Virginis Marie genitricis ejusdem Dei et Domini nostri Jesu Christi in loco vel agro qui dicitur Vizeliacus in pago Avalensi in finibus Burgundie constructum est opibusque ditatum et omnibus que post eam in eodem monasterio abbatisse regimen tenuerint inperpetuum de quo monasterio cum omnibus jure ad se pertinentibus pro remedio et futura retributione animarum vestrarum hanc sanctam heredem romanam fecistis ecclesiam illudque per donationis paginam B Petro apostolorum principi contulistis Quando ea que catholicorum virorum corda pontificum sunt monitis provocanda ita ardenti desiderio divina preveniente clementia succenduntur ut ab eis ultro poscantur tanto alacri et leto sunt animo concedenda quanto ea ipsa que cupiunt si nollent facere peti debuerant proinde juxta vestram petitionem monasterio in honore Domini nostri Jesu Christi quod in parrochia urbis Augustudunensis in loco et regno prenominato a vobis religiosa devotione fundatum est hujusmodi privilegia presentis nostre apostolice auctoritatis decreto indulgentes concedimus confirmamus atque statuimus ut nulli regum nulli antistitum nulli quacunque predito dignitate vel cuiquam alii de his que eidem monasterio a vobis vel a quibuslibet aliis de proprio fuerint jure collata sub cujuslibet cause occasionisve specie minuere vel auferre sive suis usibus applicare vel aliis quasi piis causis pro sue avaricie excusatione liceat quocunque modo concedere sed cuncta que ibi oblata sunt vel offerri contigerit tam a vobis quam ab eis qui in eodem loco in officio abbatisse vel conversatione religiosa successerint seu qui pro anime sue remedio ibidem oblationes suas optulerint a presenti tempore illibata et sine inquietudine volumus et apostolica auctoritate precipimus possideri earum tantum usibus pro quarum sustentatione ac gubernatione concessa sunt fuerint que modis omnibus profutura ea conditione ut nullus successorum nostrorum in sancta hac sede cui auctore Domino deservimus unquam vel usquam quiddam de eisdem rebus cuiquam beneficiare commutare aut sub censu concedere vel retinere per futura tempora patiatur Sed censum tantummodo in testamento traditionis vestre quo ex eodem monasterio heredem hanc sanctam fecistis matrem ecclesiam unam videlicet libram argenti annis singulis successores nostri accipientes pie paternitatis suffragium eidem monasterio et abbatisse ac monachis sub regula S Patris Benedicti ibidem degentibus sollicitudine pastorali vigilanter contra omnes infestantes impendere studeant Item constituimus ut obeunte abbatissa predicti monasterii non alia ibi quacunque obreptionis astutia ordinetur nisi quam consensus monacharum secundum timorem Dei et institutionem regule beati Benedicti elegerit et hujus apostolice sedis pontifex previderit ordinandam aut suggestione monacharum consenserit ordinatam Hoc quoque capitulo presenti subjungimus ut locum avaritie secludamus nullum de sacerdotibus nullum de regibus vel quemcunque fidelium per se suppositamve personam de ordinatione ejusdem abbatisse vel clericorum atque presbyterorum vel de largitione chrismatis aut consecratione basilice aut de quacunque commoditate spiritualis aut temporalis obsequii sive quibuscunque causis ad idem monasterium pertinentibus audere in auro vel alia qualibet specie commodi vel exenii loco quicquam accipere neque eandem abbatissam ordinationis sue causa quicquam dare presumere ne hac occasione ea que a fidelibus pio loco offeruntur aut jam oblata sunt consumantur Neque episcopus civitatis ipsius parrochie nisi ab abbatissa ipsius monasterii invitatus ibidem publicas missas agat neque stationes in cenobio eodem indicat ne ancillarum Dei quies quoquomodo populari conventu valeat perturbari neque paratas aut mansionaticos exinde presumat exigere Susceptionem autem fidelium et religiosorum ac religiosarum atque beneficientiam quam jubet apostolus cunctis exibendam pro possibilitate loci et facultatum non modo ibidem gratis fieri denegamus verum etiam suademus Sed et modus in numero congregationis adeo conservetur ut pluralitas penuriam nec paucitas inhabitantium destitutionem loci indicere valeat Hec igitur omnia que hujus precepti decretique nostri pagina continet cunctis post vos succedentibus qui idem monasterium a vobis constructum et sancte romane ecclesie traditum sub usu fructuario retinetis vel eis quorum interesse poterit in perpetuum servanda decernimus Si quis vero sacerdotum judicum atque secularium personarum hanc constitutionis nostre paginam agnoscens contra eam venire temptaverit potestatis honorisve sui dignitate percussus apostolico anathemate careat reumque se divino judicio existere de perpetrata iniquitate cognoscat et nisi vel ea que ab illo sunt male ablata restituerit vel presumpta correxerit vel digna penitentia illicite acta defleverit a sacratissimo corpore Dei et Domini ac redemptoris nostri Jesu Christi alienus fiat atque in eterno examine districte ultioni subjaceat Cunctis autem eidem loco justa servantibus sit pax Domini nostri Jesu Christi quatinus et hic fructum bone actionis recipiant et apud districtum judicem premia eterne pacis inveniant Scriptum per manum Sofronii regionarii et scriniarii Romane ecclesie in mense maio Datum vero per manum Tiberii primicerii sedis apostolice imperante Ludovico Karoli magni filio