Charter Document - 02340016

Charter Document - 02340016


Charter Number: 02340016
Cartulary Title: Cartulaire général de l'Yonne
Charter Language: Latin
Charter Origin: Royal
Charter Type(s): Decree
Date: 0820
Date type: Internal, Calendar, Regnal
Resource Link(s):

Charter:

In nomine Domini Dei et salvatoris nostri Jesu Christi Hludovicus divina ordinante providentia imperator augustus Cum petitionibus sacerdotum justis et rationabilibus divini cultus amore favemus superna nos gratia muniri non dubitamus Proinde notum sit omnibus fidelibus sancte Dei ecclesie nostrisque presentibus scilicet et futuris quia vir venerabilis Angilhelmus Autisioderensis ecclesie urbis episcopus adiens serenitatem culminis nostri innotuit nobis qualiter ob amorem Dei quasdam res ex ratione episcopatus sui canonicis ecclesie S Stephani cui ipse auctore Deo preest ad stipendia eorum contulisset qualiter postposita totius necessitatis excusatione fratres ibidem degentes et canonicum ordinem religiose custodire et Deo instanter in eodem loco possint deservire id est villam que dicitur Polrenum cum villis et appendiciis earum excepto Nancradum Linderiacum et Lupinum necnon et Rivum villas quas prelatis ipsius sedis ad utendum preservavit petens ut super hac re ob firmitatis causa nostre auctoritatis confirmationem habere mereretur Cujus petitioni quia justa et rationabilis nobis visa est adsensum prebere placuit et hanc nostram auctoritatem firmitatis gratia fieri jussimus per quam precipimus atque jubemus ut predicta villa sicut ab eodem Angilhelmo episcopo constituta est ita deinceps nostris et futuris temporibus eisdem canonicis stipendiarie disponente atque perordinante episcopo qui prefate sedi prefuerit exsistat et nullus quilibet ex successoribus ejus eandem villam in beneficium alicui dare aut de stipendiis eorundem canonicorum penitus auferre presumat sed per diuturna tempora inviolabiliter atque inconvulse persistat Et ut hec auctoritas nostris futurisque temporibus Domino protegente valeat inconvulsa manere anuli nostri inpressione subter eam jussimus adsignari Durandus diaconus ad vicem Fridugisi recognovit et subs Data pridie idus novembris anno Christo propitio sexto imperii domni Hludowici piissimi augusti indictione XIII Actum Aquisgrani palatio regio in Dei nomine feliciter Amen