Charter Document - 02340007

Dilectissimo in Christi amore et honorabili fratri Agoni abbati et omnium fratrum congregationi consistentium in basilica ubi sancta Columba et beatus Lupus pontifex sub opidum Senonis civitate requiescunt in corpore cui superna dispensatione prees Emmo divino munere acsi indignus sancte Senonice ecclesie episcopus Dum te diligende in Christo frater tuosque fratres tantus ardor celestis succendos habere videtur ut secundum patrum regulam et evangelicam auctoritatem atque apostolicam traditionem vivere disponatis ita ut juxta normam apostolicorum actuum nullus sibi monachus ullo umquam tempore peculiare in rebus maximis vel minimis appetat aut vindicet nec suum proprium dicere presumat sed sint illis in cunctis omnia communia Pro qua re petis ab extremitate nostra ut tibi privilegium in jam dicto monasterio manus nostre subscriptione et fratrum consacerdotumque nostrorum roboratum donemus Quam petitionem sanctitas tua venerabilis frater noverit libentissime velle me tibi prestare dum constet nihil ecclesiastice prejudicare regule quidquid domesticis pro amore divino impenditur fidei quia monachi sub abbatis regimine regulariter viventes semper fuerunt a conditionibus clericorum segregati ac liberi Et si quis hoc manifestius cognoscere appetit legat concilium Carthaginense sub sancte recordationis Bonifacio ejusdem civitatis ecclesie pontifice vel ejus consacerdotibus celebratum necnon et jam dicti pontificis ad senem Liberatum epistolas et in brevi animadvertet omnia semper monasteria in quibus regulariter vivitur libera fuisse a conditionibus clericorum Nam et preclarus doctor ecclesie Augustinus in libro de moribus clericorum probat sui juris monasteria esse debere Sed et in his provinciis plura alia regalia monasteria tam antiquiore tempore quam nuper constructa a pontificibus in quorum territoriis condita sunt gratia religionis et caritatis privilegia acceperunt In fine ne cuncta numerando in longum protraham sermonem pauca et precipua vel vicina sufficiet memorare antiqua Lirinensium et Luxoviensium vel basilicam beati Marcelli Cavillono constructa seu et monasterium Resbensium de quo nos nonnulla proximiore tempore a pontificibus confirmata legimus Maneat ergo et hoc vobis vestrisque posteris privilegium ob institutionem monasticam sive ob quedam impedimenta referanda omni stabilitate firmissimum ita ut tam monachi quam omnia que prefati monasterii sunt vel que altario offeruntur in abbatis ejusdem monasterii potestate consistant Abba Deo et regule plena sit devotione subjectus monachi vero post Deum abbati suo propter Deum vera humilitate subjaceant Ille cogitet pro se illisque Deo se rationem redditurum isti credant de subjectione sua a Christo recepturos mercedem Abbas numquam nisi de eadem congregatione vel regula quum alius presentem finierit instituatur Ille sane instituatur quem omnis ejusdem monasterii congregatio bene regulam scientem uno animo elegerit Quod si de eadem congregatione talis non fuerit inventus qui fratrum curam suscipiat de alio monasterio eamdem quam illi tenent regulam tenente licentiam habeant expetendi abbatem ipsi monachi Quamvis enim in jure possessionis nostre non sit idem monasterium nostre tamen auctoritatis est et canonice dispensationis una cum regali consensu id ordinandi et hujusmodi privilegia monasteriis constituendi quamvis monachi privilegiis episcoporum undique muniti soli Deo famulari et sub quiete ac tranquillitate in suo cenobio valeant conversari Et illud huic privilegio placuit adnecti ut si quis quod nec futurum esse credo si ullus pontificum superstitumque nostrorum ea que superius sunt decreta vel comprehensa non valere aut quantulumcumque violare voluerit severissimum omnipotentis Dei judicium incurrat et lepra Naaman quam Giezi causa cupiditatis promeruit super ipsum descendat ac cum Juda vindicte obnoxietur perpetua et insuper tam presentis quam future ecclesie communione privetur et sub anathemate in eternum maneat condemnatus ut privilegium pro pace vel tranquillitate vel defensione servorum Dei tam pro presenti quam pro futuro tempore plenissima devotione factum quod circa monasterium a religioso fratre nostro antefato Agone abbate instructum volo manere firmissimum et manus mee subscripsione roboratum ac fratribus et consacerdotibus meis id est dominis episcopis subscriptionibus trado roborandum + Emmo episcopus subscripsi Johannes episcopus peccator hoc privilegium subs Aunemundus peccator consentiens subs In Christi nomine Chaondius episcopus Viennensis ecclesie servulus consentiens subs Vulfoleudus peccator subs Audoenus peccator hoc privilegium consentiens subs Chrodovertus peccator hoc privilegium consentiens subs In Christi nomine Gauciobertus peccator Carnotine urbis episcopus hoc privilegium consentiens subs Carlefredus peccator hoc privilegium consentiens subs Canderis Lugdunensis ecclesie episcopus consentiens subs Bertoaldus acsi peccator Tricansensis episcopus hoc privilegium consentiens subs Bertarius acsi peccator episcopus ecclesie Santonice hoc privilegium consentiens subs In Christi nomine Berecharius acsi peccator episcopus hoc privilegium consentiens subs Burgundosarus in Christi nomine acsi peccator episcopus hoc privilegium subs In Christi nomine Eligius episcopus subs In Christi nomine ego Adebertus acsi peccator episcopus hoc privilegium subs Leodebaudus peccator Nebarnensium episcopus hoc privilegium subs Amlecharius in Christi nomine acsi peccator episcopus hoc privilegium consentiens subs Bertefredus Ambianis urbis episcopus consentiens subs Drucfredus in Christi nomine hoc privilegium consentiens subs Hincho Lexogium urbis episcopus subs In Christi nomine acsi peccator episcopus hoc privilegium subs In Christi nomine Concessus episcopus Dorreti consentiens subs Deocarus Antipolitane ecclesie episcopus consentiens subs In Christi nomine Chariochaudus acsi peccator episcopus hoc privilegium consentiens subs In Christi nomine Ragnobertus acsi indignus Augustudunensis ecclesie episcopus consentiens subs Boso in Dei nomine obtulit et subscripsit Datum sub die septimo kalendas septembres anno tertio regnante domno Chlothario glorioso rege