Charter Document - 02330198
| Charter Number: | 02330198 |
|---|---|
| Cartulary Title: | Nouvelle Histoire de l'Abbaye Royale et Collégiale de Saint-Filibert et de la Ville de Tournus |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 1309 |
| Date type: | Internal, A.D. |
| Resource Link(s): |
|
Charter:
Philippus Dei gratia Francorum Rex notum facimus universis tam presentibus quam futuris quod nos dilectorum et fidelium nostrorum religiosorum virorum Henrici Abbatis et Conventus monasterii Trenorchiensis devotis supplicationibus inclinati eisdem duximus concedendum de gratia speciali ut ipsi in quibuscumque locis eis per antecessores nostros Francorum Reges ab olim gratiose concessis et in aliis quibuscumque in quibus metum et mixtum imperium altam et bassam jurisdictionem habentes per gentes et ministros eorum exercere suspendium in arboribus vel alias quam in furchis patentibus consueverunt furchas patentes possint licite auctoritate nostre presentis gratiose concessionis erigere et in eis casu se offerente justitie suspendium exercere omnibus Justiciariis et subditis regni nostri tenore presentium districtius inhibentes ne sub nostre indignationis offensa dictos Religiosos Gentes Officiales vel ministros eorum contra nostre gratie presentis tenorem in premissis vel premissorum aliquibus impedire presumant sed eos in suis justis possessionibus predictorum prout ad quemlibet pertinuerit manu teneant auctoritate nostra regia debite contra omnes salvo in aliis jure nostro et in omnibus alieno Quod ut firmum et stabile perpetuis temporibus perseveret presentibus litteris nostrum fecimus apponi sigillum Actum apud Canticantum anno Domini millesimo trecentesimo nono mense Aprilis