Charter Document - 02330193

Nos Frater Johannes miseratione divina humilis Abbas monasterii Trenorchiensis Ordinis S Benedicti Cabilonensis dyocesis totusque ejusdem loci Conventus notum facimus universis presentibus et futuris presentes Litteras inspecturis et audituris quod cum vir nobilis Dominus Johannes de Nantone Miles quoddam feodum nostrum seu res feodales situm vel sitas in parochiatibus Sancti Germani de Bussis et Sancti Juliani prope Seneceyum cum pertinentiis et appenditiis eorumdem spatio sexdecim annorum continue sequentium et amplius diu est jam lapsorum tenuisset ratione uxoris sue quondam sororis Guillelmi Domini Seneceyi Domicelli ex qua suscepit filium Jocerandum nomine eidem Dominus Johannes Miles de quo feodo nobis ac predecessori nostro bone memorie per longa tempora pretaxata et amplius homagium seu fidelitatem debitam Miles prefatus et filius facere cessaverunt licet a predecessore nostro et nobis ex habundanti fuerint pluries requisiti ac uxor ipsius quondam insuper monita pluries a nostro fideli mandato nobis homagium ac fidelitatem hujusmodi fieri nullatenus procuraverit quod jus nostrum ac monasterii nostri in predicto feodo exinanire volentes quantum in ipsis parentibus et filio prelibatis infuit ut ex eorum incuria apparet nos vero Abbas et Conventus quorum est proprium in nostro monasterio Domino famulari ex verisimili conjectura verentes nobilium patris et filii predictorum potentiam timentes dubios judiciorum eventus ac pre ceteris nos et nostrum monasterium in amplius laboribus et expensis multipliciter pregravare magis tamen et magis dilecti et fidelis nostri Guillelmi Domini Seneceyi castri Domicelli potentis genere merita cum plena deliberatione pensantes consideratis servitiis obsequiis gratiis et liberalitatibus nobis ac monasterio nostro tam ab ipso quam a suis predecessoribus liberalius exhibitis et impensis et que adhuc idem Guillelmus exhibere facere ac meliorando conditionem nostri monasterii demonstrativo experimento non cessat in omnibus melior amentis que in acquisitionibus et edificiis novis in domo forti S Scirici sua fecit industria et labore quesivit productis et exhibitis in testimonium veritatis que meliorationes sive em poemata summam ducentarum marcharum argenti sub fide veritatis excedunt quam domum tenet a nobis in feodum idem Guillelmus Dominus Seneceyi ratione nostre Trenorchiensis Ecclesie quam etiam dictam domum fortem una cum aliis rebus feodalibus quas a nobis et monasterio nostro tenet in feodum idem Guillelmus meliorare tenetur usque ad summam ducentarum librarum turon prout hoc nobis solemni stipulatione promisit super sancta Dei Evangelia ab eo propter hoc juramento prestito corporali et sua omnia bona sua presentia et futura ubique existentia specialiter obligavit sive in acquisitionibus redditum sive in edificationibus vel reparationibus in predictis domo et feodis per eum denuo faciendis nos Abbas et Conventus prefati consideratis omnibus et singulis prelibatis attendentes in omnibus dignum esse ut benemeriti condigna remuneratione letentur ut et ceteri de bono in melius convalescant ceterique vasselli nostri ad melioranda feoda nostra que a nobis et monasterio nostro tenere noscuntur citius et vigilantius incitentur eidem Guillelmo et suis tanquam benemerito et in recompensationem omnium premissorum licet non ad plenariam cum ad majora teneamur eidem habito prius diligenti cum matura deliberatione tractatu pluries et in pluribus utilitate nostra et monasterii nostri assensu omnium et singulorum aspirante pensata conditionem nostram ac ipsius monasterii nostri per hoc aperte videntes fieri meliorem damus cedimus et concedimus tanquam vassello nostro predicto Guillelmo Domino Seneceyi et suis feodum quod tenet et a nobis tenere deberet ratione Jocerandi filii sui Dominus Johannes de Nantone Miles si fidelitatem et homagium nobis ut dictum est debite prestitisset quod ob hoc quod cessavit nostrum cecidit in commissum situm in parochiatibus de Bussis et S Germani prope Seneceyum cum pertinentiis et appenditiis universis et singulis causis et fructibus rationibus juribus et obventionibus quibuslibet feodi antedicti ac incrementis omnibus quibuscumque omne jus omnes actiones quod vel quas nos contradictum Dominum Johannem Militem vel Jocerandum ejus filium ac heredes vel successores eorum seu quemlibet alium ratione dicti feodi seu rerum feodalium sitarum in parochiatibus antedictis habemus habere possumus vel debemus ac in futurum ut sic habere speramus causa modo vel ratione quacumque Salvo et retento nobis et monasterio nostro in omnibus in futurum jure retro feodi vel feodi si predictum feodum vel res feodales predictas ad manum dicti Guillelmi Domini Seneciaci vel suorum acquisitione vel alia quacumque ratione vel causa modo quolibet contingeret devenire Hoc autem feodum a nobis dicto Guillelmo et suis sic concessum tenebit et tenere debebit a nobis et successoribus nostris Ecclesie nostre Trenorchiensis nomine in futurum in retrofeodum aut in feodum si contingat quod dictum feodum dictus Guillelmus vel sui acquirerent in futurum quod feodum tunc a nobis et monasterio nostro immediate tenebunt et de ipso feodo nobis aut Abbati Trenorchiensi qui pro tempore fuerit fidelitatem et homagium facere tenebuntur immediate simpliciter Damus autem tenore presentium in mandatis Domino Johanni de Nantone ac Jocerando patri et filio prelibatis et cuilibet eorumdem ut de predicto feodo rebusque feodalibus predictis pertinentiis et appenditiis earumdem dicto Guillelmo Domino Seneciaci et suis successoribus quibuscumque efficaciter pareant sicut nobis Abbati predicto nomine nostri monasterii tenerentur aut quamvis ratione tenentur Facientes et constituentes dictum Guillelmum procuratorem et verum Dominum in rem suam salvo nobis jure retro feudi vel feodi modo et forma premissis Promittentes bona fide sub verbo veritatis et religionis asserta et sub obligatione omnium bonorum nostrorum ac monasterii nostri presentium futurorum ac ubique existentium pro nobis ac successoribus nostris nos contra predicta vel aliquid de predictis ali qualiter non venturos vel facturos nec alicui contravenienti aliquo modo consensuros sed ea omnia et singula manu tenere defendere ac etiam in perpetuum observare cum per dictam donationem et concessionem sic factas jus monasterii nostri et nostrum sentiamus et cognoscamus aperte felici melioratione gaudere votivaque em poematorum in feodis nostris que idem Guillelmus tenet a nobis incrementa succedere dum ea que propter potentiam predictorum Johannis Militis et Jocerandi ejus filii reputabamus amissa ut feodum prelibatum per dictum Guillelmum recuperare speremus c Datum in pleno Capitulo nostro pulsata campana prout moris est et omni solemnitate juris in omnibus observata anno Incarnationis Dominice millesimo trecentesimo primo mense Augusti