Charter Document - 02330188
| Charter Number: | 02330188 |
|---|---|
| Cartulary Title: | Nouvelle Histoire de l'Abbaye Royale et Collégiale de Saint-Filibert et de la Ville de Tournus |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1297 |
| Date type: | Internal, A.D., Feast |
| Resource Link(s): |
|
Charter:
Nos G miseratione divina Episcopus Cabilonensis notum facimus universis presentes litteras inspecturis quod anno Domini millesimo ducentesimo nonagesimo sexto die sabbati ante festum beati Hilarii presentavit nobis apud Firmitatem super Gronam Frater Guido monachus Trenorchiensis ex parte religiosi viri Abbatis Trenorchiensis Guillelmum de Trenorchio clericum filium quondam Guillelmi de Trenorchio ad curam et regimen Ecclesie Beate Marie de Castro Trenorchio ad quem Abbatem spectat presentatio Ecclesie memorate Et nos prefatum clericum ad curam et regimen dicte Ecclesie non admisimus pro eo videlicet quod nos sumus exequtores a Sede Apostolica deputati super provisione ab eadem Sede facta Domino Symoni dicto Nyais de Dimenie Presbytero Lingonensis diocesis de aliquo beneficio constituto cum cura vel sine cura competente ad collationem et presentationem religiosorum virorum Abbatis et Conventus Trenorchiensium conjunctim et divisim prout in litteris Apostolicis ex parte dicti Presbyteri impetratis plenius continetur quibus litteris obedire volumus ut tenemur In cujus rei testimonium sigillum nostrum presentibus litteris duximus apponendum Datum anno et loco predictis