Charter Document - 02330171
| Charter Number: | 02330171 |
|---|---|
| Cartulary Title: | Nouvelle Histoire de l'Abbaye Royale et Collégiale de Saint-Filibert et de la Ville de Tournus |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1259 |
| Date type: | Internal, A.D. |
| Resource Link(s): |
|
Charter:
Nos Frater Hugo divina permissione Abbas humilis Trenorchiensis universis et singulis presentibus pariter et futuris salutem in vero salutari Noveritis quod cum Conventus noster Trenorchiensis pro elemosina et legato nobile mulieris Guillelmete quondam uxoris Oulardi Militis Domini quondam Montis Belleti et pro elemosina facta dicto Conventui pro anima Guidonis Chivrer quondam Ballivi Matisconensis sex libras Matisconenses quinque solidis minus annuatim idem Conventus perciperet et haberet super quibusdam terris et pratis sitis in dominio domus seu prioratus Ouchisiaci sicuti in quibusdam Litteris sigillatis sigillo venerabilis Patris Episcopi Matisconensis plenius continetur Tandem de consensu assensu et voluntate totius nostri conventus ipsas sex libras quinque solidis minus ipsi Conventui nostro Trenorchiensi assignamus in perpetuum percipiendas et habendas in censu ville nostre de Trenorchio quod levatur annuatim ad festum beati Martini hyemalis et ita elemosine supradicte dicte mulieris et dicti Guidonis Chivrer defunctorum ad domum de Ouchisiaco debent totaliter pertinere et in perpetuum remanere In cujus rei memoriam sigillum nostrum duximus presentibus apponendum Actum et datum Trenorchii anno Domini MCCL nono mense Octobri