Charter Document - 02330162
| Charter Number: | 02330162 |
|---|---|
| Cartulary Title: | Nouvelle Histoire de l'Abbaye Royale et Collégiale de Saint-Filibert et de la Ville de Tournus |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1254 |
| Date type: | Internal, A.D. |
| Resource Link(s): |
|
Charter:
Nos Seguinus divina miseratione Matisconensis Episcopus notum facimus universis presentibus pariter et futuris quod in nostra propter hoc presentia constituti Seguinus de Branciduno Miles et Guillelma uxor ejus juraverunt super sacrosancta Dei Evangelia se inviolabiliter servaturos divisionem de nemore de Magnesches factam inter ipsos Seguinum et ejus uxorem ex una parte et venerabilem virum R Abbatem Trenorchiensem et ejusdem loci Conventum ex altera Que divisio ut in nostra recognoverunt presentia dicti Seguinus et Guillelma uxor ejus talis est dicti Abbas et Conventus habent partem suam dicti nemoris a vico novo seu semite facta noviter in dicto nemore a Sagonna usque ad mortuam Saylliam et infra a parte australi Dicti vero Seguinus et ejus uxor per eosdem terminos supradictis a parte boreali habent dicti nemoris partem suam Renuntiantes [] In cujus rei robur et testimonium ad instantiam dictorum Seguini et ejus uxoris sigillo nostro presentem cartam duximus roborandam Actum anno Domini MCCLIIII