Charter Document - 02330161
| Charter Number: | 02330161 |
|---|---|
| Cartulary Title: | Nouvelle Histoire de l'Abbaye Royale et Collégiale de Saint-Filibert et de la Ville de Tournus |
| Charter Language: | Latin |
| Charter Origin: | Lay |
| Charter Type(s): | Agreement |
| Date: | 1253 |
| Date type: | Internal, A.D. |
| Resource Link(s): |
|
Charter:
Universis Christi fidelibus presentes litteras inspecturis R divina miseratione Abbas Trenorchiensis salutem et notitiam rei geste Universitati vestre presentibus facimus manifestum quod nos attendentes facultates deputatas ad officium Celerarie minime suppetere ad cotidiana generalia ciborum et pitancias assiduas Ecclesie nostre fratribus ministrandas ut pote quod minister Celerarie qui Celerarius appellatur unicam portionem casei et tria ova tantummodo vel pisces equivalentes cuilibet fratri consueverat ministrare quod ad sustentandam fratrum naturam et eorum fragilitatem minus plenarie suppetebat Considerata utilitate nostre et Ecclesie nostre et monachorum nostrorum fragilitatibus circumspectis habito diligenti tractatu cum conventu nostro interveniente etiam prece et instantia venerabilis Patris P Abbatis Insule Barbare Visitatoris deputati a Capitulo Abbatum provincie Lugdunensis ordinamus volumus et concedimus ut Celerarius monasterii nostri qui pro tempore fuerit teneat et habeat de cetero nomine officii Celerarie domum nostram Griviliaci cum suis juribus et pertinentiis universis ad augendas dicti officii facultates Quam domum cum pertinentiis coadunamus et adjungimus in perpetuum officio memorato Pro qua coadunatione iisdem Celerarius unum potagium unum carterium casei et quinque ova vel equivalens de piscibus in prandio et in sero ad cenam tria ova vel equivalens de cetero singulis fratribus ministrabit Cum quoque licentiam impetrabunt fratres in infirmitorio comedendi carnes eisdem tenebitur isdem Celerarius cum sufficientia idonea providere Certum esse siquidem asserimus quod de bonis dicti officii et domus predicte predicta usagia poterit integre ministrare Promittentes bona fide et per stipulationem solemnem nos contra premissam ordinationem confessionem coadunationem per nos vel per alium de cetero non venturos Inhibentes sub interminatione divini judicii ne quis contra premissa venire presumat vel ad attentare Hanc autem ordinationem concessionem coadunationem totus conventus Ecclesie nostre ratam habuit et acceptam et totaliter confirmavit In cujus rei testimonium nos dictus Abbas et Conventus predictus sigilla nostra duximus presentibus apponenda Rogantes Dominum Abbatem Insule Barbare Visitatorem Capituli generalis quoque autoritatem suam impertiatur et sigillum suum presentibus apponat Et nos dictus Abbas Insule Barbare Visitator deputatus a Capitulo memorato presentibus auctoritatem nostram impertimur et sigillum nostrum ad instantiam predictorum presenti ordinationi apponimus in testimonium veritatis Datum anno Domini MCCLIII mense Aprili