Charter Document - 02330140
| Charter Number: | 02330140 |
|---|---|
| Cartulary Title: | Nouvelle Histoire de l'Abbaye Royale et Collégiale de Saint-Filibert et de la Ville de Tournus |
| Charter Language: | Latin |
| Charter Origin: | Lay |
| Charter Type(s): | Acknowledgment |
| Date: | 1240 |
| Date type: | Internal, A.D. |
| Resource Link(s): |
|
Charter:
Ego Olardus Dominus Montisbeleti notum facio universis tam presentibus quam futuris quod a Domino meo B Dei gratia Abbate Trenorchiensi feodum suum augendo accepi in feodum quidquid habeo in parochia et dominio Huchisiaci et quidquid ibi tenebatur a me tam in feodum quam in domenura vel alio modo et maxime quidquid habeo in Mainesche et quidquid ibidem tenetur a me In cujus rei testimonium presentem cartam sigillo venerabilis Patris W Dei gratia Cabilonensis Episcopi feci et petii roborari Et supposui me et heredes meos jurisdictioni Domini Episcopi in hac parte et rogavi ipsum ut in deffectu meo me excommunicationis sententie supponeret Si ab hiis pactionibus in aliquo resilirem terram meam districto supponendo et tenendo interdicto Et nos dictus Episcopus ad preces et instantiam dicti O Domini Montisbeleti Ecclesie Trenorchiensi presentes litteras sigillo nostro tradidimus sigillatas Datum anno ab Incarnatione Domini MCCXXX nono mense Martii