Charter Document - 02330137
| Charter Number: | 02330137 |
|---|---|
| Cartulary Title: | Nouvelle Histoire de l'Abbaye Royale et Collégiale de Saint-Filibert et de la Ville de Tournus |
| Charter Language: | Latin |
| Charter Origin: | Lay |
| Charter Type(s): | Agreement |
| Date: | 1236 |
| Date type: | Internal, A.D. |
| Resource Link(s): |
|
Charter:
Ego Regnaudus Dominus Baugiaci Notum facio presentibus et futuris quod cum discordia esset inter me ex una parte et Dominum Trenorchiensem Abbatem ex altera tandem mediantibus bonis viris Humberto Domino Bellijoci Johanne Grosso Domino Branceduni et Domino Petro de Boceyo Milite Domini Regis pacificata et composita fuit in hunc modum juravi tactis sacrosanctis Evangeliis pacem tenere et conservare de me et de meis dicto Abbati Trenorchiensi et suis bona fide Et pro damnis illatis Abbati et suis a me Regnaudo et a meis teneor etiam pro dictis damnis reddere quingentas marcas argenti terminis a diffinitoribus statuendis scilicet Domino Johanne Grosso Domino Petro de Boceyo Milite Domini Regis et Domino Wilelmo Preposito de Trenorchio promisi Ego R sub religione prestiti juramenti quictare et liberare omnes illos qui erant in prisona mea et omnes illos qui erant plagiati in manu mea pro redemptione et expensis factis in prisona mea usque ad diem octabum S Andree Apostoli Debeo insuper exorare Dominum Ducem Burgundie quod occasione mea non petat aliquid ab Abbate et Burgensibus Trenorchiensibus super damno illato castellanie de Cusyriaco Boves et vacas Abbatis si que invinte fuerint residue debent Abbati remanere et servicium quod non est levatum usque ad predictam diem Prioratus quos sasivi debeo reddere Abbati sine diminutione et cum omni integritate secundum consuetudines longo retroactis temporibus habitas et secundum litteras super statum prioratuum confectas Hec omnia supradicta ego D Vorrias de Aula Acarias de Chavannes Joannes de Pavanes et Durandus Rebuti Milites et Ogerius Buca Domicellus observanda juravimus et nisi de dicta pecunia dicto Abbati vel ejus mandato statutis terminis satisfecero debeo tenere obstagia et quinque Milites superius nominati mecum apud Matisconem Si vero de dictis obstagiis exigere sine licentia dicti Abbatis posset dictus Abbas cum mandato Domini Regis nantare plagios constitutos super quingentis marcis In cujus rei testimonium presentes litteras sigilli mei munimine roboravi Actum anno Domini MCC tricesimo sexto mense Decembris