Charter Document - 02330130
| Charter Number: | 02330130 |
|---|---|
| Cartulary Title: | Nouvelle Histoire de l'Abbaye Royale et Collégiale de Saint-Filibert et de la Ville de Tournus |
| Charter Language: | Latin |
| Charter Origin: | Lay |
| Charter Type(s): | Service |
| Date: | 1230 |
| Date type: | Internal, A.D. |
| Resource Link(s): |
|
Charter:
Ego Raynaldus Dominus Baugiaci notum facio universis ad quorum notitiam presentes littere devenerint quod B Abbas Trenorchiensis et conventus ejusdem loci in augmentum dilectionis et fidelitatis augmentaverunt mihi et heredibus meis feodum quem tam ipse quam mei predecessores a suis antecessoribus tenueramus de triginta meyteriis avene quos mihi et meis pro salva et libera custodia in feodum dederunt super domum suam de Pristiaco et omnes res ad eandem domum pertinentes annuatim mihi persolvendos ab illo qui eandem tenuerit domum tali pacto quod ego et mei successores dictam domum et omnes res ad eandem pertinentes cum omni jure et libertate fideliter contra omnes excepta Ecclesia Trenorchiensi conservare deffendere gardire custodire sicuti essent mea propria bona fide promisi et juravi et servare ut prelibata sunt tam ipse quam successores mei inviolabiliter tenemur Ego vero R neque heredes mei nullum penitus aliud jus seu aliquam aliam redhibitionem sive consuetudinem possumus super dictam domum seu super homines vel res ejusdem loci vel ad eam pertinentes habere sive repetere sed totum et universale dominium dicte domus hominum et omnium rerum ad eandem pertinentium integre libere et quiete et sine omni immutatione Abbati et Ecclesie in perpetuum remanebunt et de ipsis et in ipsis omnibus Abbas Trenorchiensis tanquam verus Dominus libere et sine aliqua contradictione suam in omnibus et per omnia faciet voluntatem Ego vero R propter hoc et propter antiquum feodum ipsi homagium debitum feci et fidelitatem juravi Sciendum vero quod triginta meyterii reddendi sunt apud Pristiacum in octabis S Martini Yemalis Verum quia hominum callida et ceca cupiditas crescens quotidie nullo termino clauditur nullo cumulo satiatur volentes Ecclesie et saluti proprie bona fide pariter providere ne prenotate pactiones a me vel meis heredibus aliquo modo infringi vel aliqua tergiversatione processu temporis infirmari valeant vel cassari presentem cartam in signum veritatis et roboris ejusdem contradidi sigilli mei munimine roboratam Ad hec autem ad majorem cautelam litteras Episcopi Cabilonensis testimoniales juxta formam hujus autentici confectas eis dedi paci Ecclesie et saluti consulens volens per omnia et in omnibus sincerissima fide omnimodam calumniam amovere Actum anno Domini millesimo CCXXX mense Septembri