Charter Document - 02330123
| Charter Number: | 02330123 |
|---|---|
| Cartulary Title: | Nouvelle Histoire de l'Abbaye Royale et Collégiale de Saint-Filibert et de la Ville de Tournus |
| Charter Language: | Latin |
| Charter Origin: | Religious |
| Charter Type(s): | Arbitration |
| Date: | 1220 |
| Date type: | Internal, A.D. |
| Resource Link(s): |
|
Charter:
Ego Girardus primogenitus Comitis Matisconensis et Dominus Vienne et G Dei patientia Trinorchiensis Abbas universis ad quos presens pagina pervenerit Salutem in Domino Notum fieri volumus quod cum inter Dominum Landricum Militem et Prepositum Matisconensem W de Breisse et socios eorum ex una parte et homines Cluniacensis Ecclesie de Danziaco ex altera orta esset contentio et in nos compromisissent Cluniacensis Abbas pro suis hominibus dicti vero Miles et Prepositus cum suis sociis data fide nos tandem diximus arbitrando quod omnino quitarent Cluniacensem Ecclesiam predicti impetitores ab omni greusia et querela pro hominibus de Danziaco memoratis et pro omni contentione que orta erat tam de predicta quam aliis Ego siquidem G Dominus Vienne teneor Cluniacensi Ecclesie ad hoc quod pax ista inviolabiliter observetur In hujus rei et pacis testimonium sigillis nostris presentem paginam duximus roborandam Actum anno gratie MCCXX in Ecclesia beati Petri Matisconensis