Charter Document - 02330117
| Charter Number: | 02330117 |
|---|---|
| Cartulary Title: | Nouvelle Histoire de l'Abbaye Royale et Collégiale de Saint-Filibert et de la Ville de Tournus |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1211 |
| Date type: | Internal, A.D. |
| Resource Link(s): |
|
Charter:
Ego G W Comitis Vienne et Matisconis primogenitus notum facio presentibus et futuris quod cum querele et discordie diu fuissent inter patrem meum et Ecclesiam Trenorchiensem super terris dominationibus et usagiis sancti Romani et venerabilis Petrus Abbas Trenorchiensis quem Karissimum habeo super hoc ipso me traxisset in causam et aliquando auctoritate Apostolica me et patrem meum citari fecisset et pluries dictus Abbas ore proprio me per amicitiam convenisset tantum ei respondi et bona fide promisi quod super omnibus querelis diligenter inquirerem veritatem et quidquid veritas et testimonium proborum hominum ei attribueret ego laudarem et concederem Inquisita igitur diligentius veritate quandoque palam quandoque sigillatim per capellanos milites servientes et antiquos rusticos terre et vicinitatis et tandem per patrem meum inveni per ipsum et per alios qui tot et tales fuerunt quod eis credere debui quod licet pater meus multa mala in terris sancti Romani fecerit nullam penitus jurisdictionem nullum dominium nullam legem parvam sive magnam neque furtum neque homicidium neque adulterium neque albere agium et ut brevius concludam nihil penitus ego et pater meus sicut ipse mihi recognovit de jure habemus vel habere debemus in terra sancti Romani nisi tantum octo libras quas in festo sancti Michaelis Prior mihi vel mandato meo debet reddere et per terram suam ad beneplacitum suum levare et quasdam proprietates alias satis parvas que a terris et hominibus Ecclesie bene sunt divise et propter hoc Priorem domus et quidquid ad jurisdictionem sancti Romani pertinet sine dolo sine fraude vel dissimulatione ego et heredes mei debemus tanquam nostra propria fideliter custodire Non tamen intelligimus propter hoc quod de hominibus domini Abbatis vel Prioris nos intromittere debeamus contra eos sed Abbas et Prior de suis hominibus suam faciant voluntatem Testes Vicardus de Vinzeles G et H de Misiria G de Rion Domnus sancti Symphoriani Domnus Capelle Domnus Lanciaci Stephanus de Cirziaco Johannes li Flamens et plures alii Si quandoque mater mea et uxor mea in domum Prioris mansionem fecerint amoris fuit et gratie non juris vel usagii Hec omnia sicut superius sunt expressa Deo et beate Marie et venerabili Abbati et Ecclesie Trenorchiensi laudavi et concessi et bona fide juravi quod cartam istam inviolabiliter teneam non contra illam veniam ullo modo Actum apud Misiriacum et sigillo meo confirmatum anno Domini MCCXI