Charter Document - 02330105
| Charter Number: | 02330105 |
|---|---|
| Cartulary Title: | Nouvelle Histoire de l'Abbaye Royale et Collégiale de Saint-Filibert et de la Ville de Tournus |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1159 - 1181 |
| Date type: | Assigned |
| Resource Link(s): |
|
Charter:
Alexander Episcopus servus servorum Dei venerabilibus fratribus Bituricensi Archiepiscopo Claromontensi et Aniciensi Episcopis salutem et apostolicam benedictionem Nulla vel modica Ecclesiastice severitati reverentia prestaretur si excommunicati ab uno ab aliis ad Ecclesiastica sacramenta sine satisfactione congrua deberent admitti essetque facilitas venie incentivum sepius delinquendi Unde quoniam non sunt vincula Ecclesiastica contemnenda cum nonnumquam majorem quis ex contempta reatum incurrat quam ex priore commisso antea meruisset Fraternitati vestre per apostolica scripta mandamus quatenus sententiam que de auctoritate nostra pro monasterio Trenorchiensi vel pro membris ipsius a delegatis judicibus rationabiliter promulgatam servetis et usque ad dignam satisfactionem faciatis ab omnibus inviolabiliter observari Datum Laterani VIIII Kalendas Maii