Charter Document - 02330104
| Charter Number: | 02330104 |
|---|---|
| Cartulary Title: | Nouvelle Histoire de l'Abbaye Royale et Collégiale de Saint-Filibert et de la Ville de Tournus |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1159 - 1181 |
| Date type: | Assigned |
| Resource Link(s): |
|
Charter:
Alexander Episcopus servus servorum Dei venerabilibus fratribus Bituricensi et [] Bisuntino Archiepiscopis et J Pictavensi Episcopo Apostolice Sedis Legato et aliis Episcopis in quorum Episcopatibus Ecclesie et possessiones monasterii Trenorchiensis consistunt salutem et apostolicam benedictionem Cum dilecti filii nostri Abbas et fratres Trenorchienses a parrochianis vestris multa se asserant gravamina sustinere decet nos pastoralem sollicitudinem gerere ne pro negligentia vestra bona predictorum fratrum exponantur direptionibus malignorum Inde est quod discretioni vestre per Apostolica scripta mandamus atque precipimus quatinus si quando adversus parrochianos vestros eorumdem fratrum querimoniam recipitis malefactores eorum ad procurandam satisfactionem congruam de commissis vel ad justitiam exhibendam sine dilatione frustratoria moneatis et per excommunicationis sententiam compellatis Ita mandatum nostrum efficaciter exequamini quod nec vos possitis de negligentia reprehendi nec eidem fratres cogantur ad nos merito laborare Datum Laterani III Idus Martii