Charter Document - 02330102

Alexander Episcopus servus servorum Dei dilectis filiis Girardo Trenorchiensis monasteri Abbati ejusque fratribus tam presentibus quam futuris regularem vitam professis in perpetuum Commisse nobis Sedis Apostolice auctoritas nos hortatur ut divinis locis ejusque personis auxilium nostrum devotione debita implorantibus tuitionis presidium impendere debeamus Quia sicut injusta petentibus nullus est tribuendus effectus ita legitimus et justa poscentium non est differenda petitio presertim eorum vel qui religionem devote videntur amplecti et sub ea gaudent Domino militare vel qui cum honesta vita et laudabili morum compositione student omnipotenti Domino deservire Proinde dilecti in Domino filii vestris justis postulationibus clementer annuimus et predecessorum nostrorum felicis recordationis Urbani Calixti Innocentii Lucii et Eugenii Romanorum Pontificum vestigiis inherentes Trenorchiense monasterium in quo divino mancipati estis obsequio sub beati Petri et nostra protectione suscipimus et presentis scripti privilegio communimus Statuentes ut quascumque possessiones quecumque bona idem monasterium impresentiarum juste et canonice possidet aut in futurum concessione Pontificum largitione Regum vel Principum oblatione fidelium seu aliis justis modis prestante Domino poterit adipisci firma vobis vestrisque successoribus et illibata permaneant In quibus hec propriis duximus exprimenda vocabulis In Episcopatu videlicet Claromontensi monasterium S Portiani cum Ecclesiis de Besson de Quintiniaco de Salines de Celsiaco de Tavallio de Fellinia de Monteaureo de Sustris de Charel de Liniaco de Martiliaco de Monfanc de Boiaco de Barbariaco de Vernei de Villena de Lupiaco de Paredo de Briallis de Varinnis de Vorot de Lupo Ecclesias de Begiaco de Nuilliaco de Capelz de Branciaco de Tresalliaco de Floriaco cum capella de Cavarocha Ecclesiam de Salviliis de Lebiaco Ecclesiam S Nicolai Ecclesiam de Vernolio In Cabilonensi Pristiacum Aguliacum Ecclesiam de Baldreriis Ecclesiam S Andree Lambres Manciacum Ecclesiam de Giniaco de Ver Ecclesiam de Griviliaco de Cuyseriaco In Lugdunensi Ecclesiam Sancti Andree de Balgiaco Vasliacum Briennam Juvenciacum Ecclesiam S Jacobi de Gressiaco S Benigni Ecclesiam de Cabrosio de Chanvennis Bisiacum Ecclesiam beate Marie de Solliniaco de Moncelz S Martini de Budella Ecclesiam S Andree qui vulgo vocatur Pannos Ecclesiam de Monte Raculfo de Saisiriaco de Paronniaco capellam de Castro Corgeron Ecclesiam S Lidii que vulgo vocatur Olive Lovincum Montem Aureum Silvinicum In Matisconensi Hulchisiacum Villare Plotas Belniacum Ecclesiam de Li Donziacum cellam S Romani S Mauricii S Simphoriani S Marie de Capella Riverias S Petri Romaniscas Ecclesiam de Aziaco de Fissiaco S Juliani de Lanciaco S Vitalis de Lenna In Bituricensi Ecclesiam de Saciaco In Augustudunensi Ecclesiam de Pariniaco cum capella Ecclesiam de Petraficta cum capella S Justi In Nannetensi monasterium S Philiberti Ecclesiam S Vitalis de Raas Ecclesiam de Macecol S Martini de Paciaco S Luminii Ecclesiam de Limosiver S Columbani Ecclesiam de Colcoiaco Ecclesiam de Mores mansiones de Legiaco de Tolvei Ecclesias de monasteriis In Pictavensi Herum insulam Ecclesiam de Bellovidere cum cimiterio cellam S Marie Lausduni Ecclesiam S Nicolai S Petri Ecclesias de Basilicis Sancte Crucis Ecclesias de Berniziaco de Aziaco Manciacum Tatiacum Ecclesiam de Madernas Ecclesiam de Bernazii de Monte S Leodegarii Ecclesiam de Estivallibus In Turonensi Pontiacum Verniolum Corcoiacum In Andegavensi cellam S Marie Cunaldi cum appendiciis Ecclesias de Duadicastris S Dionisii S Petri S Johannis S Leodegarii Ecclesiam de Logne Ecclesiam S Laurentii villam Landrum Terentiacum Ecclesias de Varinnas S Marie de Thanais cum capella In Genevensi Ecclesiam de Perrois Ecclesiam de Monte Castro In Lasanensi Ecclesiam de Birola In Aniciensi monasterium S Philiberti Ecclesiam S Petri de Saletas S Felicis de Landos S Marie de Prastasias S Martini Corconensis capellam S Philiberti S Cyrici S Mauricii Vallamblanensis S Vincentii capellam in castro Senoil Sancte Marie de Baisam capellam in castro Rocol S Juliani Chaspiniaci de castro Mercolio Ecclesiam S Quintini In Diensi Ecclesiam de Castro Gramnat S Vincentii S Romani Ecclesiam de Torretes In Tricastrinensi Ecclesiam de Valle Nymphis S Martini S Marie S Petri S Romani capellam S Michaelis de Garda Ecclesiam de Eleemosina S Marie de Graina In Aurasicensi Ecclesias de Dosera S Marie S Benedicti S Christophori S Saturnini In Vasionensi Ecclesiam sancti Germani S Petri de Falcon S Marie de Purpureres In Viennensi cellam S Agnetis de Mota S Martini de Aziaco cum cimiterio S Verani de Rivas Ecclesiam de Fay S Johannis de castro Mirol Ecclesiam de Villanova capellam S Michaelis de Albon Ecclesiam S Saturnini cum parochia Ecclesiam S Philiberti de Miniaco Ecclesiam S Romani Ecclesiam sancti Andree S Ferreoli In Episcopatu Bisuntinensi Ecclesiam S Cornelii S Desiderii Ecclesiam de Planesel Ecclesiam Darzon In parrochialibus vero Ecclesiis quas tenetis liceat vobis Sacerdotes eligere et electos Episcopo representare quibus si idonei inventi fuerint Episcopus animarum curam committat et de plebis quidem cura iidem Sacerdotes Episcopo de temporalibus autem vobis debeant respondere Liceat quoque vobis clericos et laicos e seculo fugientes liberos et absolutos ad conversionem recipere et eos absque ullius contradictione in vestro collegio retinere Sane novalium vestrorum que propriis manibus et sumptibus colitis seu de nutrimentis vestrorum animalium nullus omnino a vobis decimas presumat exigere Cum autem generale interdictum terre fuerit liceat vobis clausis januis exclusis excommunicatis et interdictis non pulsatis campanis suppressa voce divina officia celebrare sepulturam quoque ipsius loci liberam esse decernimus ut eorum devotioni et extreme voluntati qui se illic sepeliri deliberaverint nisi forte excommunicati vel interdicti sint nullus obsistat salva tamen justitia illarum Ecclesiarum a quibus mortuorum corpora assumuntur Obeunte vero te nunc ejusdem loci Abbate nullus ibi qualibet subreptionis astutia seu violentia preponatur nisi quem fratres communi consensu vel fratrum pars consilii sanioris secundum Dei timorem et beati Benedicti regulam providerint eligendum Decernimus ergo ut nulli omnino hominum liceat prefatum monasterium temere perturbare aut ejus possessiones auferre vel ablatas retinere minuere seu quibuslibet vexationibus fatigare sed illibata omnia et integra conserventur eorum pro quorum gubernatione ac sustentatione concessa sunt usibus omnimodis profutura salva Sedis Apostolice auctoritate et in supradictis capellis diocesanorum Episcoporum canonica justitia Si qua igitur in futurum ecclesiastica secularisve persona hanc nostre constitutionis paginam sciens contra eam temere venire tentaverit secundo tertiove cummonita nisi reatum suum digna satisfactione connexerit potestatis honorisque sui dignitate careat reamque se divino judicio existere de perpetrata iniquitate cognoscat et a sacratissimo corpore ac sanguine Dei et Domini Redemptoris nostri Jesu Christi aliena fiat atque in extremo examine districte ultioni subjaceat Cunctis autem eidem loco sua jura servantibus sit pax Domini nostri Jesu Christi quatenus et hic fructum bone actionis percipiant et apud diftrictum judicem premia eterne pacis inveniant Amen amen amen In symbolo Pontisicis Vias tuas Domine demonstra mihi Ego Alexander Catholice Ecclesie Episcopus subscripsi + Ego Hubaldus Ostienes Episcopus SS + Ego Chonradus Gallipolitane Ecclesie humilis Minister Sabbinensis Episcopus SS + Ego Johannes Presbyter Cardinalis Sanctorum Johannis et Pauli tt Pammachii SS + Ego Johannes Presbyter Cardinalis tituli Sancte Anastasie SS + Ego Petrus Presbyter Cardinalis tituli Sancte Susanne SS + Petrus Presbyter Cardinalis tituli Sancti Gorgonii SS + Ego Vivianus Presb Cardinalis tituli S Stephani in Celio Monte SS + Ego Cynthius Presbyter Cardinalis tituli Sancte Cecilie SS + Ego Arduinus Presb Card tituli Sancte Crucis Jerusalem SS + Ego Willelmus Remensis Archiepiscopus tituli S Sabine Card SS + Ego Jacobus Diaconus Cardin S Marie in Cosmidyn SS + Ego Ardicio Diaconus Cardinalis Sancti Theodori SS + Ego Rainerius Diaconus Cardinalis S Georgii ad Velum Aureum SS + Ego Johannes Diaconus Cardinalis S Angeli SS + Ego Matheus S Marie Nove Diaconus Cardinalis SS + Ego Bernardus Diaconus Cardinalis S Nicolai in carcere Tulliano SS Datum Laterani per manum Alberti S Romane Ecclesie Presbyteri Cardinalis et Cancellarii VI Idus Aprilis Indictione XII Incarnationis Dominice anno MCLXXVIIII pontificatus vero Domini Alexandri Pape III anno XX