Charter Document - 02330101
| Charter Number: | 02330101 |
|---|---|
| Cartulary Title: | Nouvelle Histoire de l'Abbaye Royale et Collégiale de Saint-Filibert et de la Ville de Tournus |
| Charter Language: | Latin |
| Charter Origin: | Religious |
| Charter Type(s): | Letter |
| Date: | 1170 - 1178 |
| Date type: | Assigned |
| Resource Link(s): |
|
Charter:
W Dei miseratione dictus Viennensis Archiepiscopus dilectis fratribus et amicis totius Ecclesie Trenorciensis conventus salutem et pacem bonam Significatum est nobis qualiter vos et vestra firmiter obligando sollicite laboraveritis circa deliberationem Clericorum Vivariensium qui capti tenebantur ab Humberto de Bellojoco cum rebus et sociis pariter et Domini Vivariensis Episcopi Unde vestro tam devoto subsidio super his pio congratulantes affectu grates vobis rependimus quas debemus Ceterum de damno in posterum evitando vobis et Ecclesie vestre rebus ubique prestitam vobis idoneam captionem per Domnum Raimundum Vivariensem Episcopum et Rai Crudatensem Abbatem et Gontardum de Bordelv et Rai de Mirabel et per universum Vivariensis Ecclesie conventum firmiter approbamus Et ne aliquis postmodum ausu temerario de indemnitate hujusmodi factam vobis conventionem presumat infringere anathematis vinculo prohibemus Addicimus preterea precibus et consensu prenominati Episcopi et Clericorum si quis unquam quod absit minus placitis paruerit Ecclesiam Cathedralem Vivariensem et Crudalensem Abbatiam nos tamdiu firmiter sub interdicto tenere postquam ad nos querela devenerit donec damnum in vobis allatum integre per omnia restituatur Quod ut firmius in perpetuum habeatur presentem cartulam sigilli nostri munimine confirmamus