Charter Document - 02330100
| Charter Number: | 02330100 |
|---|---|
| Cartulary Title: | Nouvelle Histoire de l'Abbaye Royale et Collégiale de Saint-Filibert et de la Ville de Tournus |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1165 - 1180 |
| Date type: | Assigned |
| Resource Link(s): |
|
Charter:
Quoniam transacta ad memoriam litteris facile revocantur idcirco quod egimus ne temporum prolixitate deleri valeat scripto perpetuare et posteris tradere dignum duximus Certum sit omnibus in manibus quorum hoc scriptum pervenerit quod Ego Guichardus Lugdunensis Archiepiscopus Apostolice Sedis Legatus carissimo dilecto meo Lebaldo Trinorciensi Abbati necnon et venerabilibus fratribus in Ecclesia Trinorciensi Deo servientibus concessi et laudavi Ecclesiam de Muncellis retento censu duobus videlicet sextariis siliginis et emina fabarum ad Lugdunensem mensuram que annuatim in cellario nostro reddere debet necnon et decem solidos Lugdunensis monete Quod ut omni tempore firmum et inconvulsum maneat concessionem factam et laudationem scripto tradere et munimine sigilli nostri signare precepimus Hujus rei testes sunt Guillelmus Lugdunensis Archidiaconus Dalmacius Morellus Dapifer Odo de Sendrens et Berardus frater ejus et Magister Girinus Pendebat olim sigillum