Charter Document - 02330091
| Charter Number: | 02330091 |
|---|---|
| Cartulary Title: | Nouvelle Histoire de l'Abbaye Royale et Collégiale de Saint-Filibert et de la Ville de Tournus |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1155 |
| Date type: | Assigned |
| Resource Link(s): |
|
Charter:
E Dei gratia Lugdunensis Archiepiscopus Apostolice Sedis Legatus venerabilibus fratribus P Matisconensi G Cabilonensi Episcopis salutem Graviter nobis nuper Trenorciensis Prior et Conventus conquestus est Ecclesiam suam circumquaque ab inimicorum suorum incursibus vehementer affligi Cum igitur ex injuncto nobis officio tam eidem quam et aliis in provincia nostra positis subvenire debeamus Ecclesiis fraternitati vestre benigne monendo mandamus quatinus prefatam Ecclesiam ab hostibus suis utroque gladio prout res exegerit tueri et eripere studeatis receptatores illorum pena debita feriatis ut videlicet et jam dicti fratres Trenorcienses justitie rigorem se in vobis invenisse letentur et nos juvante Domino suprascriptam Ecclesiam per vos respirare cepisse audiamus