Charter Document - 02330086
| Charter Number: | 02330086 |
|---|---|
| Cartulary Title: | Nouvelle Histoire de l'Abbaye Royale et Collégiale de Saint-Filibert et de la Ville de Tournus |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1152 |
| Date type: | Internal, A.D. |
| Resource Link(s): |
|
Charter:
Gillabertus Dei gratia Pictaviensis Episcopus Petro venerabili Trenorchiensi Abbati ejusque successoribus in perpetuum Nostri fore dinoscitur officii Ecclesiarum pacem et quietem in omnibus providere sacreque religionis cultores eo studiosius nostra munificentia dilatare quo arctius eos divinis illigatos novimus ministeriis Idcirco [dilecte in Domino fili Petre Trenorchiensis Abba] querimoniam super electione Capellani Belveriensis Ecclesie olim quorumdam perversorum instinctu inter nos et vos habitam penitus sopimus et jus vestrum multorum testimonio cognoscentes nunc et in posterum liberam vobis vestrisque successoribus electionem Capellanorum honestorum et idoneorum in Ecclesia Belveriensi et in omnibus aliis Ecclesiis vestris que in nostro Episcopatu site sunt salvo jure Pictaviensis Ecclesie concedimus et sigilli nostri impressione firmamus Actum Pictavi II Idus Februarii anno ab Incarn Domini MCLII Epacta XII Indictione XV Bissexto II Testes hujus rei sunt Petrus Pictaviensis Archidiaconus Petrus Trenorchiensis Abbas Petrus Prior Losduni Ugo Decanus Gervasius Gaufridus Botapalet Magister Meschinus Agnellus Rollannus et Garnerius frater ejus Losdunenses Clerici et multi alii Data per manum Johannis Magistri schole