Charter Document - 02330083
| Charter Number: | 02330083 |
|---|---|
| Cartulary Title: | Nouvelle Histoire de l'Abbaye Royale et Collégiale de Saint-Filibert et de la Ville de Tournus |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1136 |
| Date type: | Assigned |
| Resource Link(s): |
|
Charter:
Petrus sancte Lugdunensis Ecclesie Minister Apostolice Sedis Legatus venerabili fratri Petro Trinorciensi Abbati ejusque successoribus legitime substituendis et monachis ibidem Deo servientibus in perpetuum Sanctorum et venerabilium locorum possessiones et jura ad Ecclesias pertinentia non solum protectionis nostre patrocinio defendere verum et proprietatum nostrarum largitione debemus augere Ea propter dilecti in Christo fratres postulationibus vestris assensum annuentes Ecclesiam de Moncello cum possessionibus suis vobis pleno jure tradimus salvo in omnibus nostro jure pontificali et censu quinque solidorum singulis annis domui nostre in Synodo dominice Adventus a vobis solvendo excepta parata que XX et unius denarii summam tenet In Ecclesia quoque de Buella quam juri Ecclesie vestre confirmamus excepto supradicto censu duodecim nummorum censum ponimus Facta sunt hec in presentia nostra presente et assensum prebente huic largitioni nostre Stephano Lugdunensi Archidiacono et Girino Dapifero et Guillelmo monacho et a Berengario per hanc paginam presentium et futurorum memorie commendata