Charter Document - 02330076
| Charter Number: | 02330076 |
|---|---|
| Cartulary Title: | Nouvelle Histoire de l'Abbaye Royale et Collégiale de Saint-Filibert et de la Ville de Tournus |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1136 |
| Date type: | Internal, A.D. |
| Resource Link(s): |
|
Charter:
A Gratia Dei Arvernorum Episcopus fidelibus salutem Notum sit omnibus tam futuris quam presentibus quoniam Abbas Trinorchiensis et monachi ejus ad nos venientes precibus multis nos rogaverunt quatinus monasterio Trinorchiensi jus suum quod in Ecclesia de Tresallaco habebant gratia Dei ex integro redderemus Nos autem ab antiquis Patribus illius Ecclesie vicinis audientes monasterium Trinorchiense predictam Ecclesiam antiquitus possedisse et partem possessionis temporibus nostris in pace obtinere cognoscentes petitioni eorum adquievimus et Ecclesiam cum suo jure de Tressallaco salvo servitio episcopali eis concessimus et donavimus Ut hec autem donatio firma in perpetuum maneret propria manu subscripsimus et aliis ad subscribendum tradidimus Ego Aimericus Episcopus subscripsi Ego Y Archidiaconus SS Ego W de Vern Archidiaconus SS Ego Petrus subnotarius SS Ego Pallio Canonicus SS Ego Stephanus Canonicus SS Data Claromonti ab Incarnatione Domini anno MCXXXVI V Idus Decembris Luna XI