Charter Document - 02330072

Calixtus Episcopus servus servorum Dei dilecto filio Franconi Trenorciensi Abbati ejusque successoribus regulariter substituendis in perpetuum Venerabilia et Deo dicata loca tanto enixius juvare nos convenit et fovere quanto specialius eorum nobis cura et sollicitudo divina dispositione cognoscitur imminere Propter quod [carissime in Christo fili Franco Abbas] petitioni tue aures nostras affectu benignitatis debite inclinamus Et quoniam Trenorciense monasterium singulariter ad beati Petri cujus juris est spectat custodiam et que nunc habetur Ecclesia nostris per Dei gratiam manibus consecrata est locum eumdem singulari Apostolice Sedis patrocinio communimus Presentis igitur decreti auctoritate statuimus ut cimiterium quod juxta idem monasterium benediximus quietum semper ac liberum habeatur Porro salvitatis et securitatis termini qui per positas in spatioso monasterii circuitu Cruces distincti sunt ita firmi omnino et inviolabiles conserventur ut nulli prorsus facultas sit infra eos depredationes vel assultus facere aut temeritate qualibet graviores cuiquam injurias irrogare Sane definitionem que inter vestrum et beati Florentii monasterium de Ecclesiis Sancte Crucis et Sancti Nicolai a Domino predecessore nostro sancte memorie Urbano Papa Turoni facta est auctoritate Sedis Apostolice confirmamus Ad hec universa que vestrum monasterium aut in presenti decima quarta Indictione legitime possidet aut in futurum largiente Deo juste atque canonice poterit adipisci per presentis scripti paginam tibi tuisque successoribus in perpetuum roboramus in quibus hec duximus nominibus exprimenda Videlicet in Episcopatu Cabillonensi Ecclesiam de Baldrerias et Ecclesiam de Peurereis In Pictavensi Ecclesiam S Petri et Ecclesiam S Nicolai et sancte Crucis In Andegavensi Ecclesias de Doade castro In Tricastrino Ecclesiam de Guarda In Nagnetensi Ecclesiam S Vitalis In Lugdunensi Ecclesiam S Andree de Balgiaco et Ecclesiam de Monte Raculfi et Ecclesiam S Andree de Pannois In Augustudunensi Ecclesiam Sancte Marie de Pariniaco et Ecclesiam S Remigii de Petraficta Decernimus ergo ut nulli omnino hominum liceat vestrum cenobium temere perturbare aut ejus possessiones auferre vel ablatas retinere minuere aut temerariis vacationibus fatigare sed omnia integra conserventur eorum pro quorum sustentatione et gubernatione concessa sunt usibus omnimodis profutura Si qua igitur in futurum ecclesiastica secularisve persona hanc nostre confirmationis paginam sciens contra eam temere venire tentaverit secundo tertiove commonita si non satisfactione congrua emendaverit potestatis honorisque sui dignitate careat reamque se divino judicio existere de perpetrata iniquitate cognoscat et a sacratissimo Corpore et Sanguine Dei et Domini Redemptoris nostri Jesu Christi aliena fiat atque in extremo examine districte ultioni subjaceat Cunctis autem eidem loco justa servantibus sit pax Domini nostri Jesu Christi quatenus et hic fructum bone actionis percipiant et apud districtum Judicem premia eterne pacis inveniant Amen amen amen Symbolum Pontificis Firmamentum est Dominus timentibus eum Ego Calixtus Catholice Ecclesie Episcopus subscripsi Datum Albe per manum Grisogoni sancte Romane Ecclesie Diaconi Cardinalis ac Bibliothecarii XV Kalendas Junii Indictione XIIII Incarnationis dominice anno MCXXII pontificatus autem Domni Calixti secundi Pape anno tertio In plumbo Calixtus Papa II Anno ab Incarnatione Domini MCLXXI Joscius Turonensis Archiepiscopus de mandato Alexandri Pape III componit controversiam jam diu agitatam inter Doadenses Canonicos et monachos Tornacenses pro suo Prioratu Cunaldensi In qua causa jam antea sententiam tulerat Gaufredus Andegavensis Episcopus ac deinde Ulgerius Episcopus item Andegavensis Hujus vero posterioris sententiam describit et confirmat Joscius et hic est ejus tenor