Charter Document - 02330059
| Charter Number: | 02330059 |
|---|---|
| Cartulary Title: | Nouvelle Histoire de l'Abbaye Royale et Collégiale de Saint-Filibert et de la Ville de Tournus |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1096 |
| Date type: | Internal, A.D., Calendar |
| Resource Link(s): |
|
Charter:
Notum sit omnibus ad quos hoc pertinere videbitur qualiter W Abbas Sancti Florentii et sui monachi proclamationem facientes super P Abbatem Sancti Philiberti et ejus monachos de Ecclesiis Sancte Crucis et Sancti Nicolai de Lausduno in presentia Pape Urbani et totius Conventus apud Turonum apostolicum edictum seu decretum audierunt et audiendo quieverunt Horum itaque proclamatione Abbas Sancti Philiberti audita confestim a se surrexit et quomodo controversia de predictis Ecclesiis sive calumpnia inter se et illos in nonnullis Conciliis sive Synodis ventilata ac discussa atque diffinita et sopita jam erat Pape enarravit coram Conventu Sed et Fulco Comes Andegavensium hanc audiens altercationem protinus non rogatus consurrexit et que super hac re noverat Pape omnique Conventui vera relatione absolvit Videlicet contestans hujus cause negotium plerumque ab authenticis viris in Conciliis ac Synodis pertractatum atque diffinitum esse et semper Abbatem Sancti Philiberti supradictas Ecclesias in suum jus sine ulla participatione Abbatis Sancti Florentii canonico judicio obtinuisse Unde et satis superque mirabantur cum viderent Abbatem Sancti Florentii ejusque monachos [ut pote viros religiosos] id rursum contra fas canonicum judicio velle retractari quod jam totiens [ut prelibatum est] a viris spectabilibus diligenter dijudicatum atque diffinitum esset quod profecto evidens ratio prohibebat Papa autem utriusque partis causa satis attente audita generalem protulit sententiam dicens nulla ad judicium denuo iterari debere que a religiosis viris maxime a Romanis Legatis adjudicata atque diffinita constaret Ergo nec istud quod multorum sententia proborum semel et amplius terminaverat ac diffinierat reiterari ad judicium jure licebat Precipue cum et id idem ad aures Stephani Torticol bone videlicet memorie viri et Romani Cardinalis et Legati et Giraudi Ostiensis similiter Legati aliquando pervenisset et eorum judicio cum multis superius dictis hoc diffinitum esset Alioquin jam nullum judicium certum haberet finem immo usque ad infinitatem protendere non cessaret litem Quapropter et Abbas Sancti Florentii jam ab hac cesset non bona proclamatione et Abbas Sancti Philiberti sua jam predicta quiete possideat nulla ultra cassanda Judicum retractatione Itaque uterque Abba Apostolica audita sententia suum repetit ac occupat sessum Actum Turonis anno ab Incarnatione Domini MXCV Indict III XIII Kal Aprilis feria V Luna XXI Epacta XXIII Presente Hugone Lucdunensi et Aldeberto Archiepiscopo Bituricensi atque Amato Archipresule Burdegalensi et Guidone Viennensi Archiepiscopo et Turonensi Archiepiscopo De palatio Brunone Signensi Episcopo et Cardinali Albano Episcopo et Cardinali Alberto monacho et Cardinali Teuchro Cardinali et Johanne Gaitano et Cancellario et Johanne Fricans panem et multis aliis veluti in tanto Conventu