Charter Document - 02330058
| Charter Number: | 02330058 |
|---|---|
| Cartulary Title: | Nouvelle Histoire de l'Abbaye Royale et Collégiale de Saint-Filibert et de la Ville de Tournus |
| Charter Language: | Latin |
| Charter Origin: | Lay |
| Charter Type(s): | Restitution |
| Date: | 1096 |
| Date type: | Internal, A.D., Calendar, Regnal |
| Resource Link(s): |
|
Charter:
Qualiter Ecclesia Trenorchiensis receperit vuirpitionem une sue Colongie quam quondam injuste amiserat posteris deinceps venturis intimare ratum duximus Quidam enim miles nomine Hugo cognomento Boschencus qui hanc injuste diu possederat timens hujus peccati penam volensque Hierosolimam proficisci accessit ad sacrum altare una cum fratribus suis petensque Evangelii testem coram Domno Garino Priori et Domno Gulferio procuratoribus predicte Ecclesie coram multis subscriptis testibus misit ac potius reddidit Deo et beate Marie et omnibus sanctis inibi quiescentibus quibus jure debebatur Colongiam totam integram cum omnibus suis ubicumque fuerint appenditiis que sita est in episcopatu Matisconensi juxta Setgiacum in villa que dicitur Bissiacus vel Biziacus et ut fama referet due carrete vini et amplius omni anno reddit extra alios exitus Et exinde accepit a predictis senioribus IIII libras denariorum et unam mulam Hec vuirpitio facte est XVI Kal Martii Luna XV anno ab Incarnatione Domini MXCVI in Francia regnante Rege Phylibbo Abbas Trenorchensis Petrus Signum Hugoni qui hanc vuirpitionem fecit et hanc cartam fieri mandavit S Fratris sui majoris natu qui similiter laudavit nomine Viviani S secundi fratris Karulfi laudatoris S Bertranni de Ver S Stephani Richardi S Antedei Prepositi S Gualterii de la Sala S Duranni curtam ensem S Arnulfi Malvilan S Seguinis Militis de Brancion S Guichardi de la Sala S Lamberti Servientis Nostri vero ordinis quam plures Guillelmus Secretarius Galterius Guillelmus arb[] Joffredus Bernardus de Bennis Saxeus