Charter Document - 02330057
| Charter Number: | 02330057 |
|---|---|
| Cartulary Title: | Nouvelle Histoire de l'Abbaye Royale et Collégiale de Saint-Filibert et de la Ville de Tournus |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1087 |
| Date type: | Internal, A.D., Regnal |
| Resource Link(s): |
|
Charter:
In nomine sancte et individue Trinitatis Patris et Filii et Spiritus sancti Notum sit omnibus hominibus quod omnipotens Dominus qui vult omnes homines salvos fieri et ad agnitionem veritatis venire fecit recognoscere Ducem Burgundie Oddonem nomine torturam quam faciebat de elemosina quam dederat Comitissa Cabillonensis filia Rotberti Ducis post obitum mariti sui Hugonis Comitis pro remedio anime sue patrisque sui et matris et pro animabus antecessorum suorum Domino Deo et Beate Dei Genitrici necnon et Sanctis Valeriano et Philiberto et aliis Sanctis quorum reliquie venerantur in Trenorciensi loco monachisque inibi manentibus terram in loco Givriaco sitam Post quod donum annuente Domino nostro Jesu Christo cui inserviebat illa obnixe die ac nocte Regina Gallicie et Hispaniarum effecta est De quo regno multa de facultatibus suis ad locum supradictum recuperandum ad servitium Dei et Matris sue dedit aurum scilicet et argentum et pretiosa ornamenta Ecclesie usui apta Revolventibus vero quibusdam annis cum illo magno exercitu in quo pene totius Nobiles regni Francie ordinante Deo venerunt Hispaniam venit et supradictus Dux Quid fecerunt et quantum laboraverunt in obsidione Tutele satis notum est Cum autem unusquisque prout potuit remeavit ad propria ipse Dux adiit curiam Imperatoris Anfonsi causa videndi avunculam suam Ipsa autem Regina ut vidit eum pernimium leta facta est Conquerentibus denique monachis Sancte Dei Genitricis Marie qui tunc forte aderant in palatio Regis beneficium suum solito more recepturi conquesta est et ipsa de dono elemosine sue quod prefatus Dux tyrannica potestate abstulerat Postquam vidit Dux Reginam sibi graviter de hac re conquerentem devictus amore ejus spontanea voluntate [ut erat rectum] concessit et dedit quandam partem scilicet Peturas ex integro ut sunt et ut ipsa tenebat cum omnibus consuetudinibus supradicto loco Sancte Marie de Tornuz Deditque similiter mansum quem tenuit Willelmus Rufinus cum omnibus suis appendiciis et alios tres mansos nec de melioribus nec de deterioribus similiter cum omnibus suis appendiciis et terram ad unam carrucam totum et ad integrum sicut melius habebat Hoc totum dedit supradicto loco Sancte Marie de Tornuz predictus Dux per manum Regine eo tenore ut ab omni inquietudine sua vel suorum liberum et quietum Sancte Marie et predicto loco perpetuo permaneret quousque det illi Deus bonam voluntatem ut reddat aliam quam tenebat partem Si vero quelibet persona hominis vel femine hoc donum calumniare vel frangere presumpserit sit excommunicatus et anathematis vinculo alligatus quousque ad emendationem veniat Scripta est hec charta jubente Regina que hoc donum fecit laudante et infirmante Duce Odone in Leone civitate Nonas Augusti feria V Luna III Regnante Anfonso Rege in Toletis et Philippo in Francia Anno ab Incarnatione Domini millesimo octuagesimo septimo Signum Savarici S Humberti de Junvilla S Joffredi de Sancto Petro S Rotberti avunculi Ducis fratris Regine S Rainaldi capellani S Mauricii Capellani S Arnulfi S Amblardi S Gualterii de Mont Martrot S Widonis de Spania Poncius Prior monasterii Sancte Fidis rogantibus monachis Guilelmo Gregorio et alio Guilelmo scripsit