Charter Document - 02330049

In nomine sancte et individue Trinitatis Henricus divina preordinante clementia Rex Francorum Si cultis et Deo dicatis locis ob remedium et salutem animarum nostrarum conferre cupimus non solum temporalem credimus nobis augmentari dignitatem verum etiam recepturos nos in celis haud dubitamus mansionem Quapropter noverit omnium sancte Dei Ecclesie fidelium tam presentium quam futurorum sollertia quoniam adiit nostre Celsitudinis clementiam Guilhelmus humilis Abbas humiliter supplicando efflagitans quatinus precepta que antecessores nostri Francorum scilicet Reges sancte et intemerate Virgini Marie Sanctoque fecerant Philiberto Confessori precellentissimo jam prenotato Abbati omnibusque monachis ejus nutu subditis precepto nostre auctoritatis corroboraremus Pro Dei Sanctorumque omnium amore atque pro salute anime mee conjugisque mee Anne filiisque nostri Philippi Regis necnon et perpetua prosperitate nostra ac statu regni nostri Quorum petitionibus annuentes concedimus jam prelibato Abbati abbatiam S Valeriani Martyris que est sita in pago Cabillonense super fluvium Sagonnam qua ipse corpore quiescit Castrum quoque Trenorchium quod est ex jam dicta abbatia necnon et omnes res que olim a fidelibus Christianis predicto Martyri collate fuerunt Tornucium quoque villam cum omnibus ad se pertinentibus vicis et villis scilicet Lambras Balenatam Morincas Plotas Costaldas Villanova Manciacum Pistriacum Briana Lovincum cum adjacentiis suis que sita est in confinio episcopatuum trium scilicet Vesoncionensis Lugdunensis et Cabillonensis Et Bisiacum villam et Bodellam et Caprosium Sanctumque Benignum in episcopatu positas Lugdunensi cum aliis Ecclesiis his pertinentibus in eodem episcopatu Et in episcopatu Matiscensis Ecclesie Ecclesias cum villis Ulchisiacum Atziacum Campanias Lennam cellam Sancti Romani cum quinque Ecclesiis et in ipso episcopatu Ecclesiam Sancte Marie Belnadum vocatam et aliam nomine Li Et in Comitatu Arvernensi monasterium Tresal cum una parrechiali Ecclesia et cellam S Porciani cum decem Ecclesiis et omnibus sibi pertinentibus exeniis Et in pago Vellavensi monasterium Godit cum Ecclesiis sibi pertinentibus Sanctique Mauricii locum Vallis Amblivine Et in pago Arausicense monasteria duo Dusaram et Vallem Nimfarum cum Ecclesiis ad se pertinentibus Et in Episcopatu Pictavensi monasterium quod vocatur Hero insula in maris Oceani limbo positum cum Ecclesiis tredecim locumque vocabulo Losdunum cum pertinentibus sibi villis et Ecclesiis septem In Episcopatu Andegavensi Ecclesiam Sancte Marie vocabulo Conaldum cum Ecclesiis et villis sibi pertinentibus Tasiacum Madernas Fabricas Bernezacum Ponciacum Loriam Tarenciacum Et in Episcopatu Namnetico monasterium quod vocatur Deas cum Ecclesiis sibi pertinentibus Corcoiaco Sancto Liminio Lemovicina et aliis olim Sanctis prenominatis a bonis hominibus collatis Buxiolum quoque in pago Cenomannico Cellam quoque S Prudentii in pago Pictavensi Talgariam Adriacum et Classiam et Caciacum in pago Belcinensi Asinarias in pago Pictavensi cum omnibus ad se pertinentibus rebus Eo videlicet modo ut prefati Sancti et predictus Abbas suique successores perpetualiter habeant Volumus itaque in predicto loco trapezetas esse et ut predictus locus caput sit omnium suprascriptarum rerum et super omnia que aut a nobis aut a fidelibus nostris amodo collata fuerint Igitur memorato loco omnes res suprascripte deserviant et sint in usibus monachorum et necessitatibus pauperum Preterea licentiam damus eidem Congregationi de se semper eligendi Abbatem secundum S Benedicti regulam sicuti et alii Reges nostri antecessores fecerunt Annale quoque mercatum per dies quatuor tribus temporibus anni concedimus in festivitate Sanctorum Petri et Pauli Apostolorum et in Nativitate Sancte Dei Genitricis Marie et in festivitate S Martini Episcopi et Confessoris et teloneum ipsius mercati Volumus quoque ut a nulla impediatur judiciaria potestate Concedimus quoque eis immunitatem sexcentorum solidorum quam Karolus Imperator et ceteri Reges post ipsum concesserunt cujus immunitatis in fractor sexcentorum solidorum fore culpabilis judicetur Erogamus itaque luminaribus ipsius Ecclesie totum quicquid exinde sperare potuerat jus fisci nostri Jubemus itaque ut nullus nostrorum vel successorum Dux Comes seu Vicecomes aut Vicarius aut Missus discurrens in predicta immunitate aut monasterio a nobis et antecessoribus nostris collata exquirere aut mansionaticum aut paraveredum aut eulogias presumat neque horum quippiam ab eorum servis colonis seu francis super eorum terram commanentibus exigere in publicis mercatis sive de fratrum negotiis sive de suis teloneum aut ullam exactionem neque in mari sive in Ligeri fluvio aut Rhodano seu Sagonne aut Dou vel ceteris fluminibus navigantibus aut littoribus commorantibus exigere audeat aut presumat aut navati cum aut sospitati cum aut salutati cum aut portaticum neque in terra rotaticum neque in tabernis ullam exhibitionem Precipimus quoque nostra regia auctoritate ut nemo Antisticum vel Comes aut aliqua laicalis potestas in prefato loco placitum constituere aut tenere audeat Unde hoc nostre Altitudinis preceptum fieri predicto Abbati Guilhelmo jussimus per quod ipse suique successores memoratas res quas modo concedimus et de preterito concessimus ritu perpetuo teneant atque possideant Sciatque se in fractor hujus concessionis reum a Deo in gehenna dampnari nostraque se sciat omnino gratia privari quamdiu non cessaverit calumpniari Et ut hoc nostre auctoritatis preceptum inviolabile permaneat sigillo nostro insigniri jussimus Signum Heynrici Regis Signum Philippi Regis Actum Remis civitate in Pentecosten festivitate et in Maio mense Scriptum manu Guilhelmi ad vicem Balduini regii Cancellarii regnante Domno gloriosissimo Heinrico anno XXVIIII et I C N T O I Domini LVIII Coronato eodem die Philippo Heynrici Regis filio