Charter Document - 02330038

Si locis divinis cultibus mancipatis nos nostreque subdiderimus emolumentum nobis exinde speramus adfore Quapropter per voluntatem Dei et vicinorum adsensum Ego Sienildis nec non et filius meus Sichardus donamus sancte Dei genitrici Marie necnon et sancto Philiberto sanctoque Valeriano Trenorcensis Monasterii ubi domnus Abba Stephanus preesse videtur atque de nostro dominio in illorum jus ac potestatem transfundimus quendam mansum indominicatum cum supposita domo necnon et vineis campis pratis silvis aquis exitum et regressum quicquid ad ipsum mansum pertinere videtur Est autem in pago Matisconense situs in villa quam Romaniscas dicunt habens has terminationes scilicet a mane sancti Laurentii terram a meridie viam communem a sero terram comitatus a Septentrione viam publicam In presenti autem donamus eis quandam vineolam loco vestiture talibus determinatam vestigiis a mane via publica a medio die Auscisus et heres sui a sero heres Costabuli a circio sanctus Vincentius extat Hoc tamen tali tenore ut quamdiu vixerimus usum exinde habeamus excepta vestitura Accipimus autem a rectoribus prefati monasterii quamdam ecclesiam sancti Petri in jam dicta villa locatam cum omni re ad se pertinente loco prestaria solventes in censu Assumptione sancte Marie Solidos V omnibus annis absque ulla retardationis mora Hoc autem cepimus tali conventu interposito ut si aliqua prevalens potestas jam sepe dictam ecclesiam calumniare vel molestare presumpserit occasionem sibi quolibet ingenio vindicans predicti fratres sua recipiant nemine contradicente ne aut nos peccati incurramus maculam aut sub nostro velamine sancta Dei genitrix propria perdat Ego Sicardus Levita fieri jussi S Siyneldis et Linardi qui consenserunt S Alberici Comitis S Ermentrudis Comitisse Leotaldus Subdiaconus Arembertus Archidiaconus S Raculfi S Vulrici S Adalardi S alterius Adalardi S Teutolfi S Teutberti S Vuicardi S Erpini S Siuvaldi S Ricardi S Richerius Data per manum Wagonis Cancellarii Regnante Lothario Rege