Charter Document - 02330031

Nongentesimus XLV ab humanatione Domini nostri Jesu Christi cum recurreret annus dum residerem ego Girfredus sancte Vesonsionensis Ecclesie Archiepiscopus in predicta civitate cum clericis et laicis ipsius Ecclesie filiis adfuerunt ante nostram presentiam monachi summe Imperatricis scilicet sancte Marie Dei Genitricis ac Sancti Philiberti gloriosissimi Christi Confessoris necnon et Sancti Valeriani egregii Martyris Missi Aymini Abbatis ipsius loci terra tenus nostram exorantes magnitudinem ut terrulas et prata que ex nostra ratione cum illorum terris ac pratis simul erant mixta illis sub censu concederemus maxime ob hanc causam quod ipsa terra a nobis diu injuste abstracta et laicis hominibus in beneficium data importabilia ac gravia scandala sepius ab ipsis invasoribus illis erant inlata Quorum petitionem devoto animo suscipientes et cum filiis nostre Ecclesie diligenter tractantes reperimus commune consilium hoc nobis fore utillimum si servis Dei rurale opus exercentibus aliquid prestaremus commodum Nam et canonica auctoritas clamat quod libat Domino grata qui adflictis pellit adversa et eo magis debemus misereri quo servos Dei in aliquo videmus affligi Sunt quoque ipse res site in pago Cabillonense in villa que vocatur Bellenata [] [In primis hoc est curtilus indominicatus qui terminatur a mane terra supradictis sanctis A medio die terra Sancte Marie ex monte Jovis A circio terra ipsorum A sero similiter Infra istas terminationes hoc curtile cum omnibus ad illud aspicientibus tam curtiferis terris cultis et incultis exiis et regressis silvis pratis Omnia et hec omnia prefato Abbati suisque successoribus Monachisque prefati loci condonamus ea ratione ut annis singulis festivitate Sancti Martini XII denarios in censu persolvant Ne vero aliquis ex successoribus meis hoc factum aliqua occasione possit calumniare aut ex presumptione dicat me hoc fecisse me ex hoc excuso et auctoritatem sacri Concilii Agathensis in primis Cesarii Episcopi aliorumque XXXIII qui cum ipso fuerunt ostendo ut legat era XLV qui capitulus ita habetur insertus Terrulas aut vineolas exiguas et Ecclesie minus utiles aut longe positas parvas Episcopus cum consilio fratrum distrahendi habeat potestatem] Precor per Trinitatem inseparabilem et per novem Ordines Angelorum et principatum Apostolorum diemque tremendi judicii quicumque successores mei post hac miserabili vita in hoc ordine extiterint ne in aliquo hoc factum inquietare presumant sed potius contra adversarios de quacumque parte venientes protectores et adjutores existant ut et ipsi a Deo sanctisque omnibus ex hoc facto premium celeste recipiant Ut ergo hec auctoritas per succedentia tempora firmiorem obtineat vigorem manu propria subter firmavi [] Gyrfredus Archiepiscopus SS Ermenfredus SS Odilo Prepositus SS Rodfredus SS Elgannus SS Godubertus Archidiaconus Sinforianus Prepositus Bernierius Presbyter Enulo Levita SS Damcicus Decanus SS Radoynus Presb SS Lozerannus SS Germo SS Dudinus Wimesus Presbyter Bernerius Levita Ego Presb SS Doddo Presb SS Rotbertus Grimaldus Decanus Aydencus Decanus Amolus Decanus SS Folcardus SS Girbertus SS [] Ego Gyrfredus conscripsi et laudavi ad vicem Cancellarii Umberti Abbatis anno DCCCCXLV Indictione III XII Kal Junii anno VIII regnante Conrado serenissimo nostro Rege feliciter amen