Charter Document - 02330030

In nomine sancte et individue Trinitatis Ludovicus divina propitiante clementia Rex Francorum Si cultis et Deo dicatis locis ac servorum Dei necessitatibus aliquod subsidium conferimus non solum regalem in hoc decenter exercemus dignitatem verum etiam eterne remunerationis premia inde nobis provenire liquido confidimus Quocirca noverit omnium sancte Dei Ecclesie fidelium nostrorumque presentium ac futurorum industria quoniam intimante Haimino venerabili Abbate necnon et deprecantibus fidelibus nostris Heirico Lingonensis Ecclesie scilicet Episcopo et Rotgerio Comite nobilissimo quatenus precepta que fecerunt antecessores nostri beate et intemerate semperque Virgini Marie ac sancto Filiberto Christi Confessori egregio Abbati supradicto sive monachis corroboraremus ob amorem Dei et prefatorum Sanctorum patrocinia eterneque remunerationis premium necnon et elemosinam avi nostri Ludovici Regis piissimi atque genitoris nostri Karoli et pro salute nostra statuque totius regni nostri Nos autem petitioni fidelium nostrorum assensum prebentes supradictorum confirmamus atque concedimus venerabili Abbati Haimino Congregationique sibi commisse abbatiam sancti Valeriani Martyris que est in pago Cabilonensi super Sagonnam ubi ipse corpore quiescit et castrum Trenorchium quod est ex eadem abbatia seu et omnes res que olim a fidelibus Christianis predicto Martyri collate sunt et Turnotium villam cum omni re sibi pertinente et Bisiacum villam in pago Lugdunensi et cellam sancti Romani in pago Matisconensi cum omni integritate Olcasiacum villam in ipso pago Abziacum villam cum ecclesia Lovincum villam cum omnibus appendiciis cellam sancti Portiani cum omni integritate Conaldum monasterium cum omnibus ad se pertinentibus Godid monasteriolum cum omni plenitudine eo videlicet modo ut prefati Sancti et predictus Abbas ejusque successores perpetualiter habeant Concedimus quoque ut trapezetas predictus locus habeat Statuimus etiam ut prefatus locus caput habeatur omnium rerum supradictarum que ci a nobis et a fidelibus olim collate sunt ut memorato loco deserviant in monachorum usibus et pauperum necessicatibus Ceterum eidem Congregationi licentiam concedimus de se semper eligendi Abbatem secundum regulam sancti Benedicti sicut hactenus tempore avi patrisque nostri Annalem quoque mercatum per dies quatuor Missa sancti Filiberti de transitu ut monachi habeant concedimus Sancimus autem ut omne teloneum ipsius mercati ipsi monachi habeant insuper hoc a nulla judiciaria potestate impediantur Immunitatem quoque sexcentorum solidorum quam Karolus Imperator avusque Ludovicus ac genitor noster eis concesserunt concedimus cujus immunitatis in fractor sexcentorum solidorum fore culpabilis judicetur et quicquid exinde jus fisci nostri sperare potuerat luminaribus ipsius Ecclesie totum erogamus Nos vero concedimus ut nullus nostrorum vel successorum Comes seu Vicecomes aut Vicarius aut Missus discurrens in predicta immunitate aut monasterio a nobis et antecessoribus nostris concessa exquirere aut mansionaticum aut par afre dum aut eulogias presumat neque horum quispiam ab eorum servis colonis seu francis super eorum terram commanentibus exigere in publicis mercatis sive de fratrum negotiis sive de suis teloneum aut ullam exactionem neque in mari sive Ligeri fluvio aut Rhodano seu Sagonne aut Dou vel ceteris fluminibus navigantibus aut littoribus commorantibus exigere audeat aut presumat aut navaticum aut cespitaticum aut salutati cum aut portaticum neque in terra rotaticum neque in tabernis ullam exhibitionem Precipimus quoque auctoritate nostra regia ut nemo Antistitum vel Comes aut aliqua laicalis potestas in prefato loco placitum constituere aut tenere audeat Concedimus etiam in pago Pictavensi Metsiacum Madernas Aziacum et Curciacum cum omnibus appendiciis suis Buxiolum quoque in pago Cenomannico cellam Sancti Prudentii in pago Pictavensi Talgariam Ariacum et Classiam Caciacum villam in pago Belcinensi Asinarias in pago Pictavensi cum omnibus ad se pertinentibus Unde hoc nostre Celsitudinis preceptum fieri predictoque Haimino Abbati dari jussimus per quod ipse suique successores memoratas res quas modo concedimus et de preterito concessas habemus ritu perpetuo teneant atque possideant Et ut hoc nostre auctoritatis preceptum firmius habeatur veriusque credatur et attentius observetur manu propria subter firmavimus et anuli nostri impressione sigillari jussimus Signum Ludovici gloriosissimi Regis Odilo notarius ad vicem Heirici Episcopi summique Cancellarii recognovit Actum in monasterio Trenorchio VI Idus Novembris Indictione XIIII Anno vero VI regnante Ludovico Rege in Dei nomine feliciter amen