Charter Document - 02330029

In nomine sancte et individue Trinitatis Rodulfus misericordia Dei Rex Si locis sacris divinoque cultui mancipatis ope regie Celsitudinis servorum Dei necessitatibus consulendo subvenimus hoc procul dubio profuturum nobis ad presentem vitam felicius deducendam et ad futuram beatitudinem facilius obtinendam speramus et credimus Unde comperiat omnium fidelium Dei sancteque Ecclesie nostrorumve tam presentium quam et futurorum sollertia quoniam quidam noster Abbas ex cenobio Sancte Marie Genitricis Christi Beatique Filiberti Confessoris Herensis insule nomine Heriveus ostendit mansuetudini nostre precepta que olim ejusdem loci Abbates sui videlicet antecessores a Regibus et Imperatoribus nostris predecessoribus acceperant ex capite abbatie S Valeriani Martyris et Trenorcio castro quod est situm in pago Cabillonensi super fluvium Sagonnam quo ex Hero insula confugerant ob Nortmannicam sevitiam declinandam et ex cunctis rebus tam ad anteriorem abbatiam quam et ad illam pertinentibus deprecans nostram Celsitudinem ut ob majorem securitatem propter fraudem malorum hominum et cupiditatem eisdem preceptis nostre auctoritatis preceptum superadderemus Cui ob amorem Dei sancteque ejus Genitricis ac inclyti Confessoris Filiberti assensum prebentes confirmamus eis dato hoc precepto que ab aliis sunt Regibus data vel concessa Abbatiam scilicet Sancti Valeriani Martyris ubi ipse requiescit Et castrum Trenorcium quod est ex eadem abbatia atque omnes res que eidem Sancto collate sunt a fidelibus quolibet modo inde abstracte sint Et Turnocium villam cum familia utriusque sexus et omni re ad se pertinente Et Bisiacum villam in pago Lugdunensi cum omnibus appendiciis Et in pago Matisconensi cellam Sancti Romani cum omnibus ad eam aspicientibus Olcasiacum Abziacum Lovingum cum omnibus appendiciis Cellam Sancti Porciani cum appendiciis Buxoilum monasterium cum appendiciis et Conaldum et Mesciacum cum omnibus que ad eas pertinent in pago Andegavensi et Pictavensi Et Godit Monasteriolum in pago Vallavensi cum omni integritate Hec omnia predicto Abbati concedimus in omni vita sua ad habendum et regulariter ordinandum et monachis licentiam post eum Abbatem eligendi Concedimus quoque ut trapezetas predictus locus habeat et annalem mercatum per dies quatuor Missa Sancti Filiberti de transitu et omne teloneum ipsius mercati in usus fratrum neque super hoc nec super alia qualibet re a nulla judiciaria potestate impediantur aut inquietentur in aliquo Immunitatem quoque sexcentorum solidorum quam antecessores nostri eidem loco indulserunt indulgemus et ut violator immunitatis eamdem multam solvere cogatur censemus et quicquid jus fisci nostri exinde sperare potuerat luminaribus ipsius Ecclesie deputamus Precipimus etiam ut nullus nostrorum Comes vel Vicecomes aut Missus discurrens in predicto loco a nobis concessa requirere mansionaticum paratam aut eulogias presumat neque ab eorum servis francis colonis super eorum terram manentibus exigere in publicis mercatis sive de fratrum negotiis sive de suis teloneum aut ullam redhibitionem vel exactionem neque in mari Ligeri fluvio Sagonna Rhodano vel omnibus fluminibus terre nostre navigantibus aut littoribus commorantibus requirere presumat neque cespitaticum rotaticum navati irum salutati cum pontaticum neque de tabellis ullam exhibitionem Ut autem hoc firmius habeatur manu propria firmavimus et anuli nostri impressione subter insigniri jussimus Signum Rodulfi gloriosissimi Regis Ragenardus notarius ad vicem Abbonis Episcopi recognovit et subscripsit Datum V Idus Aprilis Indictione XII Anno I regnante Rodulfo Rege glorioso Actum Cabillono Civitate in Dei nomine feliciter amen