Charter Document - 02330028

In nomine sancte et individue Trinitatis Karolus divina propitiante clementia Rex Francorum Si cultis et Deo dicatis locis ac servorum Dei necessitatibus aliquod subsidium conferimus non solum regalem in hoc decenter exercemus dignitatem verum etiam eterne remunerationis premia inde nobis provenire liquido confidimus Quocirca noverit omnium sancte Dei Ecclesie fidelium nostrorumque presentium ac futurorum industria quoniam intimante Wicheramno venerabili Abbate necnon et deprecante venerando Comite Richardo seu fideli nostro Rotberto quatenus precepta que fecerunt antecessores nostri Beate et intemerate semperque Virginis Marie ac Sancti Filiberti Christi Confessoris egregii Abbatibus sive monachis corroboraremus ob amorem Dei et prefatorum Sanctorum patrocinia eterneque remunerationis premium necnon et elemosynam avi nostri Imperatoris Karoli seu Ludovvici Regis piissimi genitoris nostri sive fratrum nostrorum videlicet Ludovici atque Karlomanni et pro salute nostra carissimorumque affinium necnon et pro totius regni nostri statu Nos autem petitioni fidelium nostrorum assensum prebentes supradictorum confirmamus atque concedimus venerabilis Abbati suprascripto Congregationique sibi commisse Abbatiam Sancti Valeriani Martyris que est in pago Cabilonensi super Sagonnam ubi etiam isdem venerabilis Martyr corpore quiescit et castrum Trenorchium quod est ex eadem Abbatia seu et omnes res que olim a fidelibus Christianis predicto Martyri collate sunt et Turnicium villam cum familia utriusque sexus et omni re ad se pertinente et Bisiacum villam que est in pago Lucdunensi cum mancipiis et omni re ad se pertinente Cellam Sancti Romani cum omnibus ad se pertinentibus Olcasiacum villam cum omni integritate in pago Matisconensi Abziacum villam cum universis ad se pertinentibus Lovingum villam cum omnibus appendiciis in Comitatu Lucdunensi Sultriacum villam in Geniviso cum omni integritate Cellam Sancti Portiani cum omni integritate Cellam Sancti Prudentii cum omni re ad se pertinente Talgariam Ariacum et Classiam cum universis ad se pertinentibus Buxiolum monasterium cum mancipiis et omni re ad se pertinente Conaldum monasterium cum omnibus ad se pertinentibus ab integro Godith monasteriolum cum omni integritate et plenitudine Asinarias villam in pago Pictavensi cum omni re ad se pertinente eo videlicet modo et tenore ut prefati sancti et predictus Abba Wicheramnus suique successores perpetualiter habeant atque possideant Concedimus quoque ut trapazetas locus predictus habeat qui nostri nominis signum singulis imprimant nummis ne metallorum mixtura adesse valeat Statuimus etiam ut prefatus locus caput habeatur omnium rerum supradictarum que ei a nobis aut a fidelibus Christianis olim conlate sunt ut memorato loco deserviant in monachorum usibus et pauperum necessitatibus Ceterum eidem Congregationi licentiam concedimus de se semper eligendi Abbatem secundum regulam Sancti Benedicti sicut hactenus tempore avi patrisque nostri Annalem quoque mercatum per dies quatuor Missa Sancti Philiberti de transitu ut monachi habeant concedimus Sancimus autem ut omne teloneum ipsius mercati ipsi monachi habeant Insuper hoc a nulla judiciaria potestate impediantur aut inquietentur in aliquo Immunitatem quoque sexcentorum solidorum quam Karolus Imperator avus meus et genitor meus Rex Ludovicus eis concesserunt et fratres nostri Lodvicus videlicet et Karlomannus concedimus atque delegamus Cujus immunitatis in fractor sexcentorum solidorum fore culpabilis judicetur et quicquid exinde jus fisci nostri sperare potuerat luminaribus ipsius Ecclesie totum erogamus Nos vero concedimus ut nullus nostrorum vel successorum Comes aut Vicecomes seu Vicarius aut Missus discurrens in predicta immunitate aut Monasterio a nobis et antecessoribus nostris Karoli Ludovvici seu fratris nostri Ludovvici atque Karlomanni necnon et antecessorum nostrorum concessa exquirere aut mansionaticum aut parafredum aut eulogias presumat neque horum quispiam ab eorum servis colonis seu francis super eorum terram commanentibus exigere in publicis mercatis sive de fratrum negotiis sive de suis teloneum aut ullam exactionem neque in mari sive Ligeris fluvio aut Rhodano seu Sagonne aut Dou vel ceteris fluminibus navigantibus aut littoribus commorantibus exigere audeat aut presumat aut navaticum aut cespitaticum aut salutati cum aut portaticum neque in terra rotaticum neque de tabernis ullam exhibitionem Concedimus etiam in pago Pictavensi Metsiacum Madernas Aziacum et Criciacum cum universis appendiciis ad se pertinentibus Unde hoc nostre Altitudinis preceptum fieri predictoque Wicheramno Abbati dari jussimus per quod ipse suique successores memoratas res quas modo concedimus et de preterito concessas habemus rite perpetuo teneant atque possideant Et ut hoc nostre auctoritatis preceptum firmius habeatur veriusque credatur et attentius observetur manu propria subter firmavimus et anuli nostri impressione sigillari jussimus Signum Karoli Regis gloriosissimi Goslinus regie dignitatis notarius ad vicem Herivei Archiepiscopi summique Cancellarii recognovit et subscripsit Datum VI Idus Octobris Indictione IIII Anno XXIII regnante Karolo Rege gloriosissimo redintegrante XVIII Largiore vero hereditate indepta IIII Actum Gondulfi villa in Dei nomine feliciter Amen amen