Charter Document - 02330027
| Charter Number: | 02330027 |
|---|---|
| Cartulary Title: | Nouvelle Histoire de l'Abbaye Royale et Collégiale de Saint-Filibert et de la Ville de Tournus |
| Charter Language: | Latin |
| Charter Origin: | Royal |
| Charter Type(s): | Confirmation |
| Date: | 0889 |
| Date type: | Internal, A.D., Calendar, Regnal |
| Resource Link(s): |
Archives départementales de Saône-et-Loire - H 177 - 5 (p.1) TELMA - Traitement électronique des manuscrits et des archives |
Charter:
In nomine sancte et individue Trinitatis Odo clementia Dei Rex Si sacris locis et divinis cultibus mancipatis opem ferendo consulimus Deum nobis ob id presenti et futuro tempore propitium non dubitamus Qua de re omnium sancte Dei Ecclesie fidelium presentium et futurorum noverit universitas quoniam Blitgarius monasterii sancte Dei Genitricis et semper Virginis Marie sanctique Philiberti incliti Confessoris Abba ad nostram accedens munificentiam deprecatus est ut res que ab antecessoribus nostris eidem monasterio per precepta conlate sunt nos ob majoris firmitatis vigorem nostre auctoritatis precepto denuo confirmaremus Cujus rationabilibus petitionibus tanto libentius cessimus quanto nobis profuturum credidimus amplius Statuimus ergo decernentes et statuendo decernimus ut omnes res que ab antecessoribus nostris per precepta supradicto monasterio conlate sunt jure firmissimo maneant inviolate atque inconcusse Preceptum quoque immunitatis et castellum causa persecutionis Nortmannorum quod ab eo firmatum est sub eodem immunitatis tenore absque alicujus inquietudine eidem Ecclesie presentique atque futuro Abbati concedimus delegamus et confirmamus Electionem quoque regularem in eligendo Abbate sicut in eorum continetur preceptis concedimus et per donamus [] Ecclesie et monetam et pergas sicut et alii antecessores nostri eidem Ecclesie amore sancte Dei Genetricis semperque Virginis Marie sanctique Philiberti Confessoris incliti indulgemus Et ut a nullo sive a francis sive a servis super eorum terram commanentibus aut in terris vel fluminibus exigantur et ut retro acta et a nobis nunc confirmata maneant inconvulsa optamus quatinus pro nobis regnique statu liberius misericordiam Dei implorare procurent Ut autem hujus nostre auctoritatis pia confirmatio pleniorem in Dei nomine obtineat firmitatis vigorem manu eam propria subter firmantes anuli nostri impressione subter jussimus assignari Signum Odonis gloriosissimi Regis Throannus notarius ad vicem Eblonis recognovi et subscripsi Datum XVII Kalendas Augusti Indictione VI anno Incarnationis dominice DCCCLXXXVIIII anno II regnante Domno Odone gloriosissimo Rege Actum Parisius civitate in Dei nomine feliciter amen