Charter Document - 02330022

In nomine Domini Dei eterni et Salvatoris nostri Jesu Christi Hlodovicus misericordia Dei Rex Si locis divinis cultibus mancipatis et servorum Dei necessitatibus emolumentum regie celsitudinis exhibemus profuturum nobis hoc ad presentem vitam felicius transigendam et futuram beatitudinem facilius obtinendam nullatenus dubitamus Quocirca noverit omnium sancte Dei Ecclesie fidelium nostrorumque presentium ac futurorum industria quoniam intimante Geilone venerabili Abbate ad notitiam nostre Celsitudinis venit eo quod genitor noster Karolus piissimus Imperator Augustus ob deprecationem ipsius Geiloni Beate et Intemerate semperque Virginis Dei Genitricis Marie ac egregii Confessoris Christi Filiberti monasterium qui dicitur Trenorchium ubi gloriosus Martyr Valerianus corpore quiescit in pago Cavilonensi super fluvium Sogonna dederat cum omnibus appendiciis suis Sed et aliam cellam in pago Matisconensi super ipsum fluvium Sogonna que vocatur Sanctus Romanus quam supradictus genitor noster ob deprecationem Bosoni Comitis dederat hoc etiam confirmans per preceptum sue auctoritatis ut semper monachi ipsius loci ipsas res perpetualiter habentes illorumque successores potestative ecclesiastice disponendi habeant potestatem atque eligendi Abbatem sicut semper temporibus Hlodovici Imperatoris avi nostri atque Karoli Augusti atavi nostri necnon et Pipini trita vi nostri habuerunt ut semper habeant Et ideo nos pro amore Dei et prefatorum Sanctorum Dei patrocinia eterneque retributionis premium necnon et elemosinam domni et genitoris nostri Karoli Augusti et inclyte genitricis nostre Hirmintrudim et pro salute nostra carissimeque conjugis et prolis omnia similiter concedimus et confirmamus Sed et immunitatem quam genitor noster nostrique antecessores iisdem Sanctis concesserunt tam in his rebus quam et in ceteris aliis Sed et in Ulcasiacum quem nos presenti anno ob deprecationem carissimi Ducis nostri Bosoni prefatis Sanctis dedimus id ipsum concedimus Cujus immunitatis in fractor sexcentorum solidorum culpabilis judicetur et quicquid exinde jus fisci nostri sperare poterat luminaribus ipsius Ecclesie totum concedimus Nos autem precipimus ut nullus nostrorum vel successorum nostrorum Comes aut Vicecomes seu Vicarius aut Missus discurrens in predicta immunitate a nobis et antecessoribus nostris concessa ingredi audeat ad causas audiendas aut aliquod districtum faciendum neque exquirere aut mansionaticum aut paratam aut par afre dum aut eulogias presumat Neque presumat quippiam ab eorum servis colonis seu francis super eorum terra commanentibus exigere in publicis mercatis sive de fratrum negotiis seu de suis teloneum aut ullam redhibitionem seu exactionem neque in mari aut in Rodano Seu Sogonna aut Dou vel ceteris fluminibus navigantibus aut littoribus commorantibus requirere audeat aut presumat aut navati cum aut cespitaticum aut salutati cum aut pontaticum neque in terra rotaticum Ut autem nostre largitionis auctoritas per futura tempora diligentius ab omnibus conservetur manu propria subter eam firmavimus et anuli nostri impressione assignari jussimus Signum gloriosissimi Hludovici Regis Ego Wigbaldus notarius ad vicem Gozlini recognovi et subscripsi Datum II Idus Decembris Indictione XII anno II regni domni Hlodovici gloriosissimi Regis Actum Cipsiaca fisco in Dei nomine feliciter amen