Charter Document - 02330021

Anno dominice Incarnationis DCCCLXXVIII Indictione undecima regnante piissimo atque gloriosissimo Rege Hludovico Karoli filio Serenissimi Augusti auxiliante Domino nostro in honore ejusdem Dei et Domini nostri Jesu Christi Ego Johannes Episcopus servus servorum Dei atque predictus filius noster gloriosus Rex Hludovicus constituimus Conventum venerabilium Archiepiscoporum necnon et Presulum totius regni Trecas civitate quo interfuit memoratus Rex piissimus eoque peracto precatus est nos cum filiis et fratribus nostris Episcopis jam dictus gloriosus Imperator ut Tornutium monasterium quod fundatum est in Comitatu Cabilonensi super Sagonnam fluvium ubi Martyr Christi Valerianus corpore quiescit quod dudum pater ejus Karolus Imperator vel ipse postmodum per preceptorum seriem monachis Sancte Dei Genitricis Marie Sanctique Philiberti inclyti Confessoris presentibus et futuris ob vitandam Marcomannicam severitatem contulerant cum omnibus rebus ad ipsum locum aspicientibus privilegio nostre auctoritatis corroboraremus Cujus piissimo mandato eo libentius cessimus quo etiam nos idipsum precaturos perspeximus amplius Igitur privilegio nostre auctoritatis confirmamus eis omnia quemadmodum in preceptis gloriosissimorum Imperatorum sunt inserta Id est predictum locum et omnes res ei adjacentes cum omni libertate Et in Comitatu Arvernico cellam sancti Portiani cum omnibus appendiciis In pago quoque Sanctonico Asinarias cum omni sua integritate Et in Pictavensi territorio cellam sancti Prudentii cum omnibus rebus adjacentibus Et in pago Andegavensi Cunaldum cum omni integritate In pago vero Cenomannico Bussiolium cum omnibus appendiciis Et in pago Vallaico cellam que vocatur Godittus cum omnibus rebus ad se pertinentibus Itaque in partes Burgundie in pago Lugdunensi Bisiacum villam cum Ecclesia Et in pago Matisconensi cellam sancti Romani et Olcasiacum villam cum ecclesia et omnibus appendiciis Verum quia ob vitandam persecutionem Nortmannorum Geiloni inclyto Abbati monachisque presentibus et futuris predictum locum gloriosus Rex necne pater ejus contulerant et pontificalis calliditas nimis eumdem locum subegerat postulavit isdem Rex ut tam larga elemosina inmunis atque libera haberetur ab omni pontificali potentia nostra annuente clementia Cujus petitionibus favens omnis episcopalis Conventus abnegare nequivimus quod tam pie postulabat Imperator gloriosissimus Auctoritate ergo quam a Christo Jesu Domino nostro summo Sacerdote in beato Petro accepimus predictum monasterium cum omnibus habitis et habituris Geiloni venerabili Abbati sancte Genitricis Dei et supradictis Sanctis futurisque post eum Abbatibus ad monasticum ordinem inibi Deo adjuvante excolendum delegamus delegantes jubente filio nostro piissimo Rege inviolabiliter et inseparabiliter sine distractione aut immutatione vel qualibet minoratione perpetualiter confirmamus Anathematisamus igitur auctoritate Beati Petri Apostoli et nostra ut nemo Antistitum presentium vel futurorum locum adire presumat qualibet occasione excommunicationis vel absolutionis seu sacre ordinationis nisi ab Abbate vel monachis loci fidelibus fuerit invitatus Quia injustum decernimus ut gloriosa mundi Regina que exaltata est super choros Angelorum humanis subdatur potestatibus Ceterum ab omni seculari potentia locum decernimus esse liberum et quietum et ut caput habeatur omnium que prescriptis Sanctis vel loco oblata sunt ac deinceps oblatum annuente Deo fuerit ut in Regum reperitur preceptis Si quis autem temeraria presumptione cecaque cupiditate quod Dei et nostra auctoritate firmamus in aliquo infringere presumpserit eterna se sciat damnatione multandum et cum diabolo et angelis ejus perpetuo incendio cremandum a liminibus quoque sancte Dei Ecclesie habeatur extorris quousque ab inlicita presumptione resipiscens condigna penitentia et emendatione iram omnipotentis Dei quam incurrere non timuit placare procuret Harum itaque sanctionum evidentissimam confirmationem manibus sacrorum presentium Pontificum subnotari absentium quoque Consacerdotum nec minus idoneis stipulationibus per Christum et in Christo fulciri postulamus Hincmarus Remorum Episcopus in Christi nomine roboravi Ansegisus Episcopus Senonensis Ottulfus Episcopus Gislibertus Episcopus Hildibaldus Episcopus Berno Episcopus Geraldus Episcopus Hincmarus Laudunensis Episcopus Edenulfus Episcopus Johannes Episcopus Raganulfus Episcopus Ragenelmus Episcopus Adebertus Episcopus Adalardus Archiepiscopus Alericus Episcopus Abbo Episcopus Agilmarus Episcopus Ingilvvinus Episcopus Acfredus Episcopus Datum III Kalendas Maii per manum Christofori Primicerii sancte summe Sedis Apostolice imperante piissimo Ludovico anno II