Charter Document - 02330018

Johannes Episcopus servus servorum Dei Geiloni inclyto Abbati dilectisque filiis nostris in Tornutio monasterio a spirituali filio nostro glorioso Karolo Imperatore Augusto sancte et intemerate semperque Virgini Dei Genitrici Marie atque pretioso Confessori Christi Philiberto largito sub regula Sancti Benedicti religiosa conversatione degentibus nunc et futuris temporibus Quando ad ea que catholicorum Imperatorum corda pontificalibus sunt monitis provocanda ita ardenti desiderio divina preveniente gratia tam succenduntur ut ab eis ultro poscantur tanto alacri et leto sunt animo concedenda quanto et ea ipsa que cupiunt si nollent facere peti debuerant Proinde juxta scripta petitoria filii nostri precellentissimi Imperatoris Karoli hujusmodi privilegium presentis auctoritatis nostre decreto eidem venerabili monasterio vestris futurisque temporibus indulgemus concedimus atque confirmamus ut sicut ipse gloriosissimus filius noster divino ductus amore de villis ac facultatibus seu stipendiis specialiter monachorum et Ecclesie ornamentorum vel luminariorum ac matricula ariorum seu hospitum atque pauperum usibus servata vel e meliorata seu aucta ordinatione precepto sue auctoritatis firmavit privilegium quod venerabilibus fratribus ac filiis nostris Episcopis illarum regionum fieri et confirmari fecit ita sicut in eodem privilegio atque preceptis in primis filii nostri Karoli exinde factis continetur perpetuo inconvulsa permaneant Quamvis enim fama fuerit hoc tenuisse ad Episcopatum Matisconensem nullaque ibi auctoritate qua teneri possit adjunctum longo interveniente tempore fuerit melius multoque sanctius apostolice discretioni nostre visum fuit ut monasticis utilitatibus in predicto monasterio confirmetur quam Laicalibus sine aliqua acquisitione sanctorum locorum depopulationibus indulgeatur Constituimus alia auctoritate Beati Petri ut nullus Regum nemo Antistitum vel Abbatum seu quilibet quacumque preditus dignitate de his que in prefato privilegio seu in preceptis ipsius filii nostri Karoli ex his que premisimus factis continentur vel in futuro ab eo vel a quibuslibet aliis de proprio fuerint his specialibus usibus jure collata sub cujus libet cause occasione sive specie quicquam minuere vel auferre sive suis usibus applicare vel aliis quasi piis causis pro sue avaritie excusatione presumat concedere sed cuncta que prefatis usibus monachorum et Ecclesie ornamentorum vel luminariorum matricula ariorum hospitum et pauperum oblata sunt vel offerri contigerit perenni tempore inlibata et inconvulsa ac sine aliqua inquietudine eorum usibus pro quorum sustentatione gubernationeque concessa sunt modis omnibus profutura permaneant Hec igitur omnia que hujus precepti decretique nostri pagina continet tam vobis quam cunctis qui in eo quo estis ordine locoque successerint in perpetuum conservanda decernimus Salva in omnibus que hujus decreti pagina continentur auctoritate et honore sancte Romane Ecclesie et Sedis Apostolice privilegio Placet etiam ut per futura tempora ipsi monachi ex seipsis habeant licentiam eligere Abbatem Si quis autem temerario ausu magna parvaque persona contra hoc nostrum apostolicum decretum agere presumpserit sciat se anathematis vinculo esse innodatum et a regno Dei alienum et cum omnibus impiis eterni incendii supplicio condemnatum Qui autem verus custos et observator hujus confirmationis extiterit benedictionem et gratiam et celestem misericordiam a Domino consequi mereatur Scriptum per manum Anastasii notarii regionarii et scriniarii sancte Romane Ecclesie in mense Octobrio Indictione decima Bene valete Subscriptum Idus Octobris per manum Christophori Primicerii sancte summe Sedis Apostolice imperante Domino piissimo Principe Augusto Karolo a Deo coronato magno Imperatore anno primo et post coronationem ejus anno primo Indictione decima