Charter Document - 02330017
| Charter Number: | 02330017 |
|---|---|
| Cartulary Title: | Nouvelle Histoire de l'Abbaye Royale et Collégiale de Saint-Filibert et de la Ville de Tournus |
| Charter Language: | Latin |
| Charter Origin: | Royal |
| Charter Type(s): | Privilege |
| Date: | 0876 |
| Date type: | Internal, Calendar, Regnal |
| Resource Link(s): |
|
Charter:
In nomine sancte et individue Trinitatis Karolus ejusdem omnipotentis Dei gratia Imperator Augustus Si locis divinis cultibus mancipatis aliquod emolumentum conferimus atque si justis petitionibus servorum Dei inibi famulantium adquiescimus ob id procul dubio eterne remunerationis premia adquirere non dubitamus Noverit igitur omnium fidelium sancte Dei Ecclesie nostrorumque tam presentium quam et futurorum sollertia quoniam justis et rationabilibus deprecationibus fratrum cenobii sanctissimi Filiberti aurem nostre serenitatis accommodantes concedimus ut in omnibus provinciis comitatibus malis atque placitis nostri regni Advocatus jam dicti cenobii quicumque rationabilis fuerit recipiatur quocumque jam dicti loci necessitatem investigare voluerit Unde hoc nostre Imperialis Excellentie scriptum fratribus prefati cenobii concedimus atque perpetualiter inconvulse manere decernimus Et ut hoc per omnia tempora inviolabiliter conservetur anulo nostro subter sigillari jussimus Audacher notarius ad vicem Gozleni recognovit et subscripsit Datum XVI Kalendas Junii Indictione IX anno XXXVI regni Domni Karoli Imperatoris in Francia et imperii ejus anno primo Actum Basiu palatio nostro in Dei nomine feliciter amen