Charter Document - 02330016

Anno Incarnationis Domini nostri Jesu Christi DCCCLXXV regnante piissimo Rege Karolo filio Hludovvici quondam Serenissimi Augusti anno XXXVI factus est in suburbio Cabilonensi Sancto Marcello Conventus venerabilium Episcoporum Remigio Hisaac Gerbaldo et Fulqualdo Archidiacono ad vicem Lamberti Matisconensis Episcopi causa ordinationis Adalgerii Eduorum Episcopi Que canonice peracta residentibus nobis idem Adalgerius ex parte gloriosissimi et orthodoxi supradicti Karoli Regis intulit ut Monasterium Tornutium ubi Beatus Valerianus Martyr corpore quiescit in Comitatu Cabillonensi super fluvium Sagonnam cum omnibus appendiciis suis et in pago Matisconensi cellam Sancti Romani cum omnibus appendiciis suis et in Comitatu Alvernico cellam Sancti Portiani cum omnibus appendiciis suis que ipse solita pietate causa confugii monachis sancte et intemerate Dei Genitricis Marie Sanctique Filiberti inclyti Confessoris ob vitandam Marchomannicam severitatem contulerat sive que ipse per alia loca id est Asinarias que est in pago Sanctonico cum omni sua integritate et in Pictavensi territorio cellam Sancti Prudentii cum omni sua integritate et in pago Andegavensi Conaltum cum omni sua integritate et in pago Cenomannico Bussiolium cum omni sua integritate et in pago Valagio cellam que vocatur Godet quam desideriis quidam vir pro remedio anime sue supradictis Sanctis dederat ut in monachorum usibus et pauperum necessitatibus semper deservirent privilegio nostre auctoritatis [ne ab aliquo tyrannica ereptione tolleretur] illis confirmaremus cum omnibus ad supradicta loca pertinentibus sive que ipse per quecumque loca precepto suo aut aliquis fidelium dederat vel si Deo propiciante in reliquum ipse aut quicumque daturus suerit Quo decreti nostri scriptum Apostolica potestas excellentia sue auctoritatis roborare valeret Cujus piissimo mandato eo libentius cessimus quo etiam nos id ipsum precaturos perspeximus amplius Auctoritate ergo quam a Christo Jesu Domino nostro summo Sacerdote in Beato Petro accepimus predictum monasterium cum omnibus habitis et habituris Geiloni venerabili Abbati sancte Genetricis Dei et supradictis Sanctis futurisque post eum Abbatibus ad monasticum ordinem inibi Deo adjuvante excolendum delegamus et delegantes jubente domno nostro piissimo Rege inviolabiliter et inseparabiliter sine detractione vel qualibet minoratione perpetualiter confirmamus Abbates vero ex seipsis secundum regulam Sancti Benedicti sicut a piissimo domino nostro Rege Karolo gloriosissimo et precessoribus ejus usque nunc licentiam habuerunt ita et in antea ut perpetualiter eligant inviolabiliter decernimus Si quis autem temeraria presumptione cocaque cupiditate et quod Dei et nostra auctoritate firmamus in aliquo infringere presumpserit eterna se sciens damnatione mulctandum a liminibus sancte Dei Ecclesie habeatur extorris quoad usque ab inlicita presumptione resipiscens condigna penitentia et emendatione iram omnipotentis Dei quam incurrere non timuit placare procuret Harum itaque sanctionum evidentissimam confirmationem manibus sacrorum presentium Pontificum subter notatam absentium quoque Consacerdotum nec minus idoneis stipulationibus per Christum et in Christo fulciri postulamus Remigius Lugdunensis Ecclesie humilis Archiepiscopus subscripsi Adalgarius Eduensis Ecclesie humilis Episcopus subscripsi Isaac Lingonensis Ecclesie humilis Episcopus subscripsi Gerbaldus Cabilonensis Ecclesie humilis Episcopus subscripsi Ado Viennensium Ecclesie humilis Archiepiscopus subscripsi Theodericus Vesoncionensis Ecclesie humilis Archiepiscopus subscripsi Frottarius Burdegalensis Archiepiscopus subscripsi Hincmarus Remorum Episcopus subscripsi Gislebertus C subscripsi Ansegisus Senonum Episcopus SS Sigebodus prime Narbonensis humilis Episcopus SS Aurelianus exiguus Archiepiscopus Lugdunensis in Christi nomine roboravi Lanbertus Matisconensis Ecclesie humilis Episcopus SS Ratbertus Valencie Ecclesie acsi indignus Episcopus consensi et SS Gibertus Nemausensis Ecclesie humilis Episcopus SS Bernarius Gratianopolitanus humilis Episcopus SS Theotarius Ecclesie Gerundensis humilis Episcopus SS Wido Vellavorum Episcopus SS Frodoinus Barchinonensis Ecclesie humilis Episcopus SS Aganulfus Gabalensis Episcopus SS Guilhelmus Cadurcensis Episcopus SS Abbo Ecclesie Magdalonensis exilis Episcopus SS Rodsteignus sancte Arelatensis Ecclesie consensi et SS Etherius humilis Albiensium seu Vivariensium Episcopus consensi et SS Sancte Ecclesie Massiliensis Episcopus consensi et SS Walterus Aurelianensis Ecclesie Episcopus SS Adaloldus Archiepiscopus Turonensis Ecclesie SS Berno humilis Catalaunensis Episcopus SS Hildeboldus sancte Suessonice Ecclesie Episcopus SS Ratfridus Avinianensium Presul infimus assensum prebui et SS Aurelius Diensis Episcopus SS Ottulfus sancte Auguste Tricorum Ecclesie SS Geroldus sancte Ambianensis Ecclesie SS Hincmarus Laudunensis Ecclesie Episcoporum minimus corroboravi Hedenulfus Lugduni Clavati Episcopus SS Johannes Camaracensis Episcopus SS Raganelmus Tornacensis Ecclesie Episcopus SS Hildebertus Silvanectensis Ecclesie Episcopus SS Alaricus exilis omnium servorum Biterrensis Episcopus consensi et SS Abbo Nevernensis Ecclesie Episcopus SS Agilmarus humilis Arvernensium Presul subscripsi Ingiluvirius Parisiace Ecclesie Episcopus SS Guido Lugdunensis Ecclesie humilis Archiepiscopus Ericus Lingonensis Episcopus SS Rotmundus Eduensis Episcopus SS Ildebodus Cabillonensis Episcopus SS