Charter Document - 02330015

In nomine sancte et individue Trinitatis Karolus gratia Dei Rex Si locis divinis cultibus mancipatis ac servorum Dei necessitatibus emolumentum regie celsitudinis exhibemus profuturum nobis hoc ad presentem vitam felicius transigendam et ad futuram beatitudinem facilius obtinendam nullatenus dubitamus Quocirca noverit omnium sancte Dei Ecclesie fidelium nostrorumque presentium ac futurorum industria quoniam intimante Geilone venerabili Abbate ad notitiam nostre celsitudinis venit quia monachi beate et intemerate semperque Virginis Marie inclitique Confessoris Christi Filiberti non habentes locum quietudinis reliquias prefate Dei Genitricis corpusque jam dicti Confessoris paganorum truculentos impetus subigentes per diversa loca vectitando deportarent Et ideo nos ad amorem Dei et prefatorum sanctorum patrocinia eterneque remunerationis premium necnon et elemosinam domni et genitoris nostri Hludovvici piissimi Augusti et inclite genitricis nostre Judith ac pro salute nostra carissimeque conjugis et prolis memorate Dei Genetrici Marie ac almi fico Christi Confessoris Filiberto Herensi necnon et Geiloni venerabili Abbati congregationique sibi commisse abbatiam sancti Valeriani Martyris que est in pago Cavilonensi super fluvium Sagonnam ubi etiam idem venerabilis Martyr corpore quiescit et castrum Trenorchium quod est ex eadem abbatia seu et omnes res que olim a fidelibus Christianis predicto Martyri conlate sunt quolibet modo inde abstracte sint et Turnucium villam cum familia utriusque sexus et omni re ad se pertinente et Bisiacum villam que est in pago Lugdunensi quam tenet Ingelgarius cum mancipiis et omni re ad se pertinente et Subtriacum villam que est in pago Geniviso cum mancipiis et omni re ad se pertinente et Caciacum villam que est in pago Belzinensi cum mancipiis et omni re ad se pertinente cum omni integritate et plenitudine eternaliter ad habendum et jure ecclesiastico possidendum condonamus et condonando concedimus Condonamus etiam sacratissime Virgini Marie beatissimoque Confessori Filiberto ad restaurationem loci superius dicti ob deprecationem Bosonis Comitis carissimi nostri pro elemosina nostra ac dulcissime conjugis sive ejusdem Bosonis cellam S Romani que est in pago Matasconensi super fluvium Sagonnam cum ecclesiis villis mancipiis utriusque sexus et cum omni re ad se pertinente eo videlicet modo et tenore ut prefati sancti et prefatus Abba Geilo suique successores has res perpetualiter habeant atque possideant Statuimus etiam ut prefatus locus caput habeatur omnium rerum que ei a nobis aut a fidelibus Christianis olim collate sunt et omnia hec loca id est Asinarias que sunt in pago Sanctonico cum omni sua integritate et in Pictavensi territorio cellam sancti Prudentii cum omni sua integritate et in pago Andegavensi Conoltum cum omni sua integritate et in pago Cenomannico Bussiolium cum omni sua integritate memorato loco deserviant in monachorum usibus et pauperum necessitatibus Ceterum eidem congregationi licentiam concedimus de se semper eligendi Abbatem secundum regulam sancti Benedicti sicut hactenus tempore patris avique nostri semper habuerunt Annualem quoque mercatum per dies quatuor Missa sancti Filiberti de transitu ut monachi habeant concedimus Sancimus autem ut omne teloneum ipsius mercati ipsi monachi habeant et super hoc a nulla judiciaria potestate impediantur aut inquietentur in aliquo Immunitatem quoque sexcentorum solidorum quam genitor meus Hludovvicus Augustus et Karolus avus meus Imperator et proavus Pipinus eis concesserunt concedimus atque indulgemus Cujus immunitatis in fractor sexcentorum solidorum culpabilis judicetur et quicquid exinde jus fisci nostri sperare poterat luminaribus ipsius Ecclesie totum concedimus Nos autem precipimus ut nullus nostrorum vel successorum nostrorum Comes aut Vicecomes seu Vicarius aut Missus discurrens in predicta immunitate a nobis et antecessoribus nostris Hludovici Karoli atque Pipini seu et antecessorum illorum confessa exquirere aut mansionaticum aut paratam aut par afre dum aut eulogias presumat neque presumat horum quispiam ab eorum servis colonis seu francis super eorum terram commanentibus exigere in publicis mercatis sive de fratrum negotiis sive de suis teloneum aut ullam redibitionem seu exactionem Neque in mari aut Rhodano seu Sagonna aut Dou vel ceteris fluminibus navigantibus aut littoribus commorantibus requirere audeat aut presumat aut navati cum aut cespitaticum aut salutati cum aut pontaticum neque in terra rotaticum Unde hoc celsitudinis nostre preceptum fieri predictoque Geiloni Abbati dari jussimus per quod ipse suique successores memoratas res quas modo concedimus et de preterito concessas habemus jure perpetuo teneant atque possideant Ut autem hec nostri munificentie largitio in Dei nomine firmitatis obtineat vigorem manu nostra propria eam firmavimus et bullis nostris subinsigniri jussimus Signum Karoli gloriosissimi Regis Ebbo Presbyter ad vicem Gosleni recognovit et subscripsit Data XIIII Kalendas Aprilis Indictione VIII anno XXXV regnante Karolo gloriosissimo Rege et in successione regni Hlotharii anno VI Actum sancto Dionysio in Dei nomine feliciter amen amen