Charter Document - 02330011
| Charter Number: | 02330011 |
|---|---|
| Cartulary Title: | Nouvelle Histoire de l'Abbaye Royale et Collégiale de Saint-Filibert et de la Ville de Tournus |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0870 |
| Date type: | Internal, Calendar, Regnal |
| Resource Link(s): |
|
Charter:
Sacrosancte Genitrici Dei et Domini nostri Jesu Christi semper Virgini Marie et glorioso atque beatissimo almo Confessori suo Filiberto ego Witbertus misericordia Dei Comes cogitans humane conditionis casum et spem habens sancte Genitricis Dei et almi Confessoris sui Filiberti intercessione a peccatorum posse contagio liberari sive pro absolutione domni et senioris mei Hlotharii Regis qui mihi et pater extitit et bona queque mercede sua largitus est qui etiam mihi fundum Rodonionem inter cetera contulit seu etiam pro liberatione Lanberti genitoris mei necnon et Rutrudis genitricis mee et mea ut pii interventores apud Dei clementiam pro nobis et pro nostris parentibus dignentur existere trado eis predictum fundum Rodonionem a prefato glorioso Rege mihi donatum cum omni sua immunitate adjacentiis atque appendiciis suis Videlicet mansum indominicatum cum capella in honore sancti Apri in ipsa villa Rodonione cum omnibus appendiciis suis Sed et aliam capellam in honore sancti Bricii cum omnibus ad eam pertinentibus Sive alium mansum indominicatum in Comitatu Odornensi et in villa Agimbodi cum capella in honore sancti Hilarii Episcopi et omnibus que ibi aspicere dinoscuntur Seu etiam alium mansum in ipso Comitatu cum capella in honore sancti Remigii Presulis in loco quem Domnum Remigium nuncupant Necnon quicquid in loco quem Montes dicunt aspicit Sive alium mansum in Vallis et quicquid ibi videtur aspicere preter unum campum quem sancto Urbano donavi Necnon et alium mansum in villa Girulficurt et queque ibi aspicere dinoscuntur Sive et quicquid in Septemlucis videor habere vel quicquid in Berulficurt videor possidere cum omnibus que supra inserta sunt preter sex jornales de terra arabili in Digini villa et pratum unum in ipsa villa Omnia presenti die Abbati sancte Marie et sancti Filiberti Geiloni omnique congregationi illorum trado dono atque transfundo et de meo jure et potestate in illorum jus et dominationem committo Ea videlicet ratione ut nullo alio loco subjectus habeatur sed ibi monasterium Deo et prefatis Sanctis constituant [] Actum Rodonione villa publice [] Ego Berulfus clericus hanc donationem scripsi datam mense Januario IIII Kalendas Februarii anno XXX regnante Karolo Rege