Charter Document - 02330010

In nomine sancte et individue Trinitatis Karolus gratia Dei Rex Si erga loca divinis cultibus mancipata pro [] premium nobis apud Dominum eterne remunerationis rependi non diffidimus Quocirca omnium sancte Dei Ecclesie fidelium nostrorumque tam presentium quam futurorum et noverit sollertia quia veniens Desiderius fidelis vassallus noster suppliciter nostram petiit magnificentiam quatenus in pago Vallavensi in loco qui dicitur Godit quasdam suas res sancte Dei Genetrici Marie Sanctoque Filiberto ac monachis sibi famulantibus de regno Aquitanorum fugientibus a facie paganorum et nusquam residentie ac quietis habentibus locum nuncupatum pro remedio anime mee ac sue tribueremus quatenus Domino cooperante facultatem inibi perciperent monasterium construendi et juxta Sancti Benedicti regulam deinceps vivendi ac conversandi quo facilius et vitam transigere et divinis cultibus liberius ac perpetim Domino possint regulariter inservire Siquidem sunt ibi diverse res diversis locis jacentes terre scilicet labori congrue vinee silve prata et molendini et convenientia mercata hebdomadane atque annuale seu et res ipsi [] condon[] []aco Cabannellas Turtuniaco [] rito Fontanas necnon et ville []so adtracte vel adquisite scilicet ipso Godit jam supra dicto Spinatio quoque Illafara vallem ubi Adalgarius manet Merceriaco sub regio fellita cum ecclesia in honore Sancti Petri dedicata Taciliaco Leromitto cum Bamartivisca Et in Comitatu Vivarensi vineas et campos que sunt in adjacentia Fontebullunensis Cujus ratis petitionibus clementer annuentes mercedisque eterne premia considerantes hoc magnificentie nostre preceptum fieri et Abbati venerabilissimo Geiloni ejusque monachis dari jussimus per quod et res omnes superius prelibatas et diligenti indagatione inquirendas seu quas divina pietas augeri deinceps decreverit cum omni summa integritate terris cultis et incultis pratis vineis silvis molendinis pascuis et universis justis legalibusque terminationibus perpetuo ei jure successoribusque ejus donamus atque donantes sub nostro munde burdo et immunitatis tuitione eas manere decernimus Eo sub pretextu ut nostra licentia abhinc freti regulariter inibi vivendi et conversandi habeant licentiam Quatenus tali auxilio adjuti perpetem ibi Domino servire ac pro nobis regnique stabilitate sancteque Ecclesie defensione clementiam ipsius valeant exorare Ut autem hec nostre largitionis seu roborationis auctoritas firmior habeatur manu propria subter eam firmavimus et de anulo nostro sigillare jussimus Signum Karoli gloriosissimi Regis Ego Adalgarius notarius ad vicem Gosleni recognovi et subscripsi Datum VIII Kalendas Decembris Indictione II Anno XXVIII regnante Karolo gloriosissimo Rege et in successione regni Hlotarii anno I Actum Vienna in Dei nomine feliciter amen