Charter Document - 02330009
| Charter Number: | 02330009 |
|---|---|
| Cartulary Title: | Nouvelle Histoire de l'Abbaye Royale et Collégiale de Saint-Filibert et de la Ville de Tournus |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 0854 |
| Date type: | Internal, Calendar, Regnal |
| Resource Link(s): |
TELMA - Traitement électronique des manuscrits et des archives |
Charter:
In nomine sancte et individue Trinitatis Karolus gratia Dei Rex Quicquid propter amorem Dei et utilitatem ac necessitatem servorum ejus efficere studemus profuturum nobis ad eternam beatitudinem obtinendam omnino confidimus Itaque notum sit omnibus sancte Dei Ecclesie fidelibus et nostris presentibus atque futuris quia ad deprecationem dilecti et compatris nostri Erispogii quandam cellam in pago Cenomannico sitam in honore Beati Petri Apostolorum Principis a Sancto Trogetio fundatam cum omnium rerum sibi pertinentium et familie utriusque sexus integritate complacuit precellentie nostre pro peccatorum nostrorum abolitione monasterio Deas in quo Sanctus Filibertus habetur sepultus conferre ac perpetuo habendam hoc nostre auctoritatis testamento delegare Cui siquidem Sancti Filiberti monasterio religiosus vir Hilbodus Abba in ministerio preesse cognoscitur Videlicet ut monachi ejusdem monasterii a facie persequentium paganorum ab eodem migrantes in prefata cella Bussogilo refugium sese habere congratulentur Quare altitudinis nostre preceptum hoc fieri jussimus per quod memoratam cellam [veluti presignatum est] cum omnibus sibi pertinentibus rebus eidem Sancti Filiberti monasterio perenniter delegatam esse volumus atque constituimus Videlicet ut nulli liceat aliquando a dominatione Abbatis monasterii Sancti Filiberti eam aliquando subtrahere aut in alios aliquid preter quam constituimus usus de rebus prescripte celle pertinentibus ullo modo retorquere aut cuilibet habendum aut aliter agendum conferre sed quicquid exinde fieri potest necessitatibus monachorum inibi degentium semper auctore Deo proficiat in augmentum et anime nostre prosit in adjutorium Ut autem hec sublimitatis nostre delegatio perennem obtineat in Dei nomine vigorem manu nostra subter eam firmavimus et de anulo nostro jussimus sigillari Signum Karoli gloriosissimi Regis Ego Gislebertus notarius ad vicem Hlvdovici recognovi et subscripsi Data IIII Idus Februarii anno XVI Indictione II regnante Karolo glorioso Rege Actum in Vetere domo in Dei nomine feliciter amen