Charter Document - 02330006
| Charter Number: | 02330006 |
|---|---|
| Cartulary Title: | Nouvelle Histoire de l'Abbaye Royale et Collégiale de Saint-Filibert et de la Ville de Tournus |
| Charter Language: | Latin |
| Charter Origin: | Royal |
| Charter Type(s): | Confirmation |
| Date: | 0845 |
| Date type: | Internal, Calendar, Regnal |
| Resource Link(s): |
|
Charter:
In nomine Domini Karolus gratia Dei Rex Si liberalitatis nostre munere locis Deo dicatis quiddam conferimus beneficii et necessitates ecclesiasticas ad petitiones virorum illustrium nostrorum juvamine et regali tuemur munimine id nobis ad mortalem vitam temporaliter transigendam eternamque feliciter obtinendam profuturum liquido credimus Igitur noverit sagacitas seu utilitas omnium fidelium nostrorum tam presentium quam et futurorum quoniam venerabilis Vivianus Comes innotuerit nostre Serenitati qualiter ob amorem omnipotentis Dei reverentiamque sancti Filiberti seu ejus Congregationis obtulerit res proprietatis sue [quas ei per preceptionis auctoritatem olim concesseramus] amabilissime Congregationi sancti Filiberti cui venerabilis Hilbodus Abba digne preesse videtur ad habitationem monachorum propter persecutionem barbaricam scilicet Nortmannorum et Britannorum frequentissimam atque improvisam Videlicet monasterium quod vocatur Cunaldus ubi beatus Confessor Maxentiolus corpore requiescit cum omnibus suis adjacentiis sive appendiciis sicut in serie donationis insertum esse noscitur deprecatusque fuerit nostram clementiam ut hoc ipsum nostre preceptionis auctoritate confirmaremus paternum seu predecessorum nostrorum Regum morem sequentes quatenus evis temporibus firmum inconvulsum permanere Domini opitulante gratia valeret Cujus petitioni libenter annuimus et hoc nostre auctoritatis preceptum firmitatis gratia pro divini culminis amore et anime nostre remedio fieri decrevimus per quod decernimus atque jubemus ut quemadmodum in serie donationis quam Vivianus predicte Congregationi de supra fatis rebus perficere curavit insertum est ita nostra auctoritate cuncti sancte Dei Ecclesie fideles confirmatum esse cognoscant Unde monemus quoque omnes qui nobis in regno a Deo commisso successuri sunt ut sicut sua statuta a suis successoribus conservari voluerint ita in omnibus hanc nostram constitutionem super scriptam donationem factam ad eam confirmandam immutabiliter perpetuis temporibus conservare studeant ad illorum et nostrorum communem salutem atque utilitatem Et ut hoc nostrum preceptum firmius habeatur ac per futura tempora melius conservetur manu propria illud subscripsimus et de annulo nostro subsignari jussimus Signum Karoli gloriosissimi Regis Ego Bonardiaro notarius ad vicem Hlvdovici recognovi et subscripsi Data VI Kal Januarii Indictione VIII Anno VI regni Karoli prestantissimi Regis Actum in monasterio Sancti Martini in Dei nomine feliciter amen