Charter Document - 02330003
| Charter Number: | 02330003 |
|---|---|
| Cartulary Title: | Nouvelle Histoire de l'Abbaye Royale et Collégiale de Saint-Filibert et de la Ville de Tournus |
| Charter Language: | Latin |
| Charter Origin: | Royal |
| Charter Type(s): | Grant |
| Date: | 0839 |
| Date type: | Internal, A.D., Calendar, Regnal |
| Resource Link(s): |
|
Charter:
In nomine Domini Dei et Salvatoris nostri Jesu Christi Hludovicus divina repropiciante clementia Imperator Augustus Si liberalitatis nostre munere de beneficiis a Deo nobis conlatis locis Deo dicatis aliquid conferimus id nobis et ad mortalem vitam feliciter transigendam et ad eternam perpetualiter obtinendam profuturum liquido credimus Idcirco notum esse volo mus cunctis fidelibus sancte Dei ecclesie et nostris tam presentium quam futurorum industria quia divino tacti amore contulimus ad monasterium Deas in quo Sanctus Filibertus Confessor Christi corpore requiescit constructum in honore beatissimorum Petri et Pauli Apostolorum ubi venerabilis vir Hilbodus Abba preesse dignoscitur quandam villam juris nostri nomine Scrobrit que est in pago Pictavo in vicaria Racinse cum omnibus ad se pertinentibus vel aspicientibus et cum mancipiis utriusque sexus vel etatis Memoratam itaque villam cum ecclesia sancti Vitalis domibus ceterisque edificiis terris cultis et incultis vineis pratis pascuis silvis salinis molendinis exitibus et regressibus quantumcumque ad predictam villam pertinet et nostri juris atque possessionis jure proprietatis est totum et ad integrum vel in exquisitum de nostro jure in jus et dominationem predicti monasterii transferimus Ita videlicet ut quicquid ab hodierno die et deinceps rectores atque ministri ejusdem monasterii de predicta villa vel que ad eam pertinent facere ordinare atque ad utilitatem ejusdem monasterii facere elegerint liberam atque firmissimam in omnibus habeant potestatem faciendi Et ut hec nostre largitionis atque concessionis per diuturna tempora inviolabilem atque inconvulsam obtineat firmitatem manu propria nostra eam subter firmavimus et anuli nostri impressione adsignari jussimus Signum Hlvdovici Serenissimi Imperatoris Ego Meginarius notarius ad vicem Hugonis recognovi et subscripsi Data V Kalendas Decembris anno Christo propitio XXVI imperii Domni Hlvdovvici serenissimi Imperatoris Indictione III Actum Pictavis in Dei nomine feliciter amen