Charter Document - 02300003
| Charter Number: | 02300003 |
|---|---|
| Cartulary Title: | Cartulaire de l'Abbaye de Conques en Rouergue |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1061 - 1065 |
| Date type: | Assigned |
| Resource Link(s): |
|
Charter:
In Dei nomine ego Geraldus de Bello Castello et Umbertus frater meus et Bernardus et Frotardus nepotes nostri et omnes infantes nostri videlicet Odolricus et Geraldus frater ejus et Petrus et Hugo et omnes infantes nostri tam majores quam minores cedimus et donamus sancto Salvatori de Conchas et sancte Fidei et abbati Odolrico et monachis ejusdem loci ecclesiam de Regniaco cum omnibus ad se pertinentibus ad allodium et favum sicut nos habuimus et tenuimus et homines nostri per nos hoc est totum favum presbyterale et proferentium de tota parrochia de annona et de vino et totam profertam que ad altarios venerit Donamus etiam totam sepulturam et tricenarium et penitentias et guadios et baptisterium et totam villam que hodie est et postea edificata fuerit Donamus etiam et vicariam de ipsa villa in tali ratione ut monachi habeant duas partes de justicia et terciam partem aliam nos habebimus de manu illorum Similiter et de hominibus de ipsa villa si prelium duo juraverint erunt due parte ad sanctos et tercia nostra Si de foris parrochia venerint homines et ibi juraverint justicia de ipsis nostra erit sine parte monachorum Et si nos habitum monachi voluerimus accipere in nostra voluntate erit quod dare voluerimus Donamus etiam et firmamus hoc quod ab hac die donaverimus et nos et infantes nostri et alii homines cum consilio nostro Si vero ullus abbas aut rector monasterii de hoc dono quod hic scriptum est ad fevum aut ad allodium donaverit veniant infantes nostri et ipsam partem cultam vel usurpatam accipiant et dividant inter se Testes autem et adfirmatores hujus descriptionis sunt hii S Geraldi et filiorum ejus S Umberti S Bernardi et Frotardi S Odolrici et Geraldi fratrum eorum S Bernardi Rigualdi S Raimundi S Ectoris S Hescafredi S Ramnulfi Hec carta scripta est in mense junio feria II regnante Philippo Francorum rege Ugo scripsit Et in Fabregas donavit Umbertus uno manso ad alode domino Deo et sancti Salvatoris et sancte Fidis et sancti Petri de Regniago pro anima sua Et in alio loco que vocatur Combret donavit Deusde de Panat uno manso domino Deo et sancti Salvatoris et sancte Fidis pro anima sua et pro filio suo Jordano quem misit monacho Et alio maso donavit Umbertus in illa Ahadia ad alode domino Deo et sancti Salvatoris et sancte Fidis et sancti Petri de Regniago Et si homo Fabregas amparava in inscambio Andoerchs