Charter Document - 02300002
| Charter Number: | 02300002 |
|---|---|
| Cartulary Title: | Cartulaire de l'Abbaye de Conques en Rouergue |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1061 - 1065 |
| Date type: | Assigned |
| Resource Link(s): |
|
Charter:
Cognitum et auditum est a vicinis nostris quod Alcherius de Mellanca venit Concas cum Stephano monacho et fecit convenientiam et insuper donum dedit ad allodium ecclesiam de Regniago sancto Salvatori et sancte Fidei et monachis Conchensibus Quod cum fecisset fecit eis etiam convenientiam ut absque calumnia de convenientia seniores de Bello Castello contra monachos ipsos tacere faceret Sed cum hoc facere Alcherius non posset venit ad domnum Petrum Rutenensem episcopum et convenientiam quam sancto Salvatori et sancte Fidei fecerat propter contrarietatem seniorum de Bello Castello accepta pecunia ab ipso episcopo transtulit ad sanctam Mariam Rotenensem in manu jam dicti episcopi calumniantibus eisdem Conchacensibus monachis qui donum prius ab ipso Alcherio acceperant Cujus rei testes Airradus monachus Deus et sacerdos Kamnulphus laicus et alii quam plures qui hoc audierunt Postea ego Petrus episcopus timens Dei juditium cognovi quod rectum est et archidiaconi et canonici nostri et donamus et absolvimus sancto Salvatori de Conchas et sancte Fidei et abbati Odolrico et monachis ejusdem loci ipsam ecclesiam jam dictam ad allodium sicut seniores de Bello Castello donant et firmant