Charter Document - 02290210
| Charter Number: | 02290210 |
|---|---|
| Cartulary Title: | Chartularium prioratys beatae mariae de Paredo monachorum [Paray-le-Monial] |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1147 - 1151 |
| Date type: | Assigned |
| Resource Link(s): |
|
Charter:
Legis autentice ita percipiunt ut quicumque jus suum in alium transfundere voluerit si satis acurate patiare voluerit per pagine scripturam asserere atque testificari procuret Quapropter ego Witburgis mater Petri de Nucibus ob remedium anime mee atque parentum meorum tribuo summo Deo et beate perpetue Dei Genitrici Marie et altari beati Johannis Baptiste de Paredo et domno Hugoni priori necnon cunctis fratribus inibi Deo servientibus tam presentibus quam futuris quicquid in duabus festivitatibus beati Petri apostolorum principis in ecclesia que est sita Curdiaco deinde prefato loco quicquid habeo quicquid possideo in predicta villa tali tenore tribuo et concedo si duo filii mei absque heredibus ex uxore legali moriuntur Post multum vero temporis ego Petrus de Nucibus filius prefate domine peccatis meis exigentibus concedi in infirmitate quapropter vocare feci domnum Gerardum priorem de Paredo et pro anime mee salute meorumque parentum in vita mea tradidi Deo eterno et beate Dei Genitrici virgini Marie atque prefato priori omnique conventui fratrum de Paredo tam presentium quam futurorum ibidem Deo jugiter servientium in investitura quicquid in ecclesia Curdiaci habebam et tenebam cum cimiterio ejusdem ecclesie necnon et domum meam cum virgulto post mortem vero meam quicquid habendo possideo in villa Curdiaci tam in hominibus quam in domibus tam in pratis quam in nemoribus quam in terris cultis quam incultis cum omnibus appendiciis suis absque ulla retentione et ex hoc accepi palefredum quendam et centum solidos Sane horum donationum adsunt hii testes Hugo Beraldus Hugo Rodulfus Joceramus de Vilers Duramnus presbiter Stephanus de Janthals Belinus famulus Wilelmus et duo nepotes ejus